Се наведува дека авионите имаат системи за вентилација кои го менуваат воздухот во просек на секои две до три минути, отстранувајќи 99 проценти од честичките со големина на коронавирус
Ризикот од инфекција со коронавирус во авион е многу мал поради безбедносните мерки, многу помал отколку во продавниците или рестораните, објавија во вторникот научниците од Харвард.
Извештајот на Школата за јавно здравство покажува дека ризиците „може да се намалат на многу ниско ниво преку комбинација на мерки за контрола на инфекцијата“.
Истражувањето е финансирано од групацијата „Ерлајнс за Америка“, која ги обединува авиокомпаниите и производителите на авионска опрема, во време додека американските компании бележат загуби од милијарди долари секој месец, како резултат на падот на прометот за 65 проценти поради коронавирусот. Авиокомпаниите во САД имаат 50 проценти помалку летови отколку во 2019 година.
Истражувањето покажало дека откако авиокомпаниите воведоа задолжително носење маски, го засилија чистењето и ја сменија постапката за качување и симнување од авионот „има многу малку докази за инфекција на летовите“.
Ризикот од инфекција со коронавирус во авион е многу помал отколку во продавниците или рестораните
Се наведува дека авионите имаат системи за вентилација кои го менуваат воздухот во просек на секои две до три минути, отстранувајќи 99 проценти од честичките со големина на коронавирус.
Научниците исто така истакнуваат дека маските значително го намалуваат ризикот од пренос на болести. Американскиот центар за контрола и превенција на болести им препорача на патниците и членовите на екипажот во авионите и на аеродромите да носат маски за да се спречи ширењето на инфекцијата со COVID-19.
Резултатите од студијата се совпаѓаат со заклучоците на истражувањето на Министерството за одбрана на САД, објавени претходно овој месец, кои исто така покажа дека ризикот од инфекција при патување со авион е многу мал.
