Справувањето со незгодни и нетрпеливи пациенти мора да е неверојатно напорно за медицинските сестри кои се и онака под притисок на исцрпениот здравствен систем.
Сега замислете дека пациентот има пет години и бара сладолед, а покрај него има двајца препотентни родители.
Добредојдовте во светот на педијатриските медицински сестри, каде мајките и татковците може да ве викнат да им донесете кафе или да се налутат кога ќе го разбудите нивното дете.
За да добиеме малку повеќе увид во светот на педијатриското нега, побаравме од една уморна медицинска сестра да ни ги каже работите што таа само сака да им ги каже на родителите на своите пациенти … но веројатно никогаш нема да ги каже, пишува австралискиот портал „Мама Миа“.
Знам дека не ви е лесно, знам дека ве плаши помислата дека вашето дете е болно и во болница, но мора да знаете дека ни нас не ни е лесно кога гледаме болни деца. Понекогаш има лоши денови со многу болни пациенти и сиот тој емоционален товар ние го носиме дома со нас
- Не ми се јавувај да ти донесам кафе
Знам дека сте со детето, знам дека понекогаш не можете да го оставите само, но јас имам многу мали, болни пациенти за кои се грижам и не можам да мислам на вашето кафе. Едноставно немам време да ви донесам кафе. Кога имате посетители, искористете го за да одите по кафе. Мене ми се јавувате само кога сум му навистина потребна на детето.
- Болницата не е хотел
Не, не може и другиот родител да остане со детето. Најчесто едвај имаме место за еден родител, а камоли за двајца.
- Не, не можам да ти помогнам околу паркирањето
Жал ми е што не најдовте паркинг, извинете ако мораше да го оставите вашиот автомобил на платен паркинг или што било врзано со вашиот автомобил. Повторно, малите пациенти се наш приоритет.
Ви благодариме што го доверивте здравјето на вашето дете во наши раце. Голема привилегија е да им се помогне на семејствата во време на криза. Се надевам дека никогаш повеќе нема да се сретнеме во исти околности – и тоа го мислам на најдобар можен начин
- Јас не го избирам менито, ниту готвам
Жал ми е ако не ви се допаѓа болничката храна. Жал ми е ако е ладна или невкусна. Но, јас не го избирам менито, ниту ги готвам оброците. Немам апсолутно никаква врска со болничката храна. Не можам постојано да ви говорам: „Извинете, извинете.“ Немам никаква врска со тоа.
- Ве молам, бидете љубезни кон нас
Ви благодариме за чоколадото или кафето што ни го оставате. Но, повеќе би сакале да бидете љубезни со нас додека сте таму. Знам дека ве фаќа паника за здравјето на вашето дете, но ви давам збор дека ќе направиме се што можеме за вашето дете да биде здраво, а љубезноста е прекрасен начин да ни возвратите за тоа и на сите ќе им биде полесно.
- Држете ја собата уредна
Обидете се да ја одржувате вашата соба уредна. Полесно е ако не мора да ги прескокнуваме вашите чанти што сте ги донеле со себе или играчките на вашето дете.
- Замолете ги роднините да престанат да се јавуваат
Не можеме на сите да им кажуваме за состојбата на детето. Кажете им на далечните роднини да престанат да се јавуваат. Имате мобилен телефон, јавете им на сите на кои можете. Кажете им дека ќе се јавите штом стигнете, да не се јавуваат на одделот ако не им одговорите веднаш.
- Да, морам да го разбудам вашето дете
Лековите мора да се даваат во одредено време, така што да, морам да го разбудам вашето дете во текот на ноќта за да му го дадам лекот.
- Ние сме емотивни битија и сè „носиме“ дома со нас
Знам дека не ви е лесно, знам дека ве плаши помислата дека вашето дете е болно и во болница, но мора да знаете дека ни нас не ни е лесно кога гледаме болни деца. Понекогаш има лоши денови со многу болни пациенти и сиот тој емоционален товар ние го носиме дома со нас.
- Не, не го заборавив вашето дете
Знам дека понекогаш може да изгледа дека сум зафатена со други пациенти, но ви ветувам дека ќе дојдам и до вашето дете и дека не сум го заборавила. Здравјето на вашето дете е исто така мој приоритет.
И за крај: Ви благодариме што го доверивте здравјето на вашето дете во наши раце. Голема привилегија е да им се помогне на семејствата во време на криза. Се надевам дека никогаш повеќе нема да се сретнеме во исти околности – и тоа го мислам на најдобар можен начин.
