Медицинскиот факултет Харвард на својата веб-страница истакнува пет важни придобивки од возењето велосипед.
Ги штити зглобовите
Кога возите велосипед, целата тежина ја префрлате на силните карлични коски. Кога одите или трчате, тежината се пренесува на нозете, поради што зглобовите страдаат.
Возењето велосипед е добро за сите луѓе кои имаат проблеми со болки во зглобовите или артритис.
Обезбедува аеробно вежбање
Аеробните вежби се одликуваат со многу умерен интензитет, па тие првенствено се насочени кон подобрување на нашето здравје.
Токму возењето велосипед е одлична форма на аеробна вежба бидејќи вртењето педали ја подобрува работата на нашето срце и мозок, а одлично делува и на крвните садови.
Исто така, го поттикнува и лачењето на ендорфин, познат и како хормон на среќата, кој ни го подобрува расположението.
Ги зајакнува мускулите
Кога возите велосипед, ги користите речиси сите мускули. Поради исправената положба, „работат“ и стомачните мускули кои помагаат во балансирањето, а се користат и мускулите на рацете и рамената.
Ги олеснува секојдневните активности
Придобивките од возењето велосипед се пренесуваат на одржување рамнотежа, одење, стоење, издржливост и качување по скали. Сите видови на физичка активност ќе станат полесни благодарение на возењето велосипед.
Помага во зајакнување на коските
Активностите како што се вртењето педали каде што телото мора да пружи отпор ја зголемуваат густината на коските. Намалената густина не е занемарлив проблем бидејќи може да доведе до остеопороза.
Но, пред да започнете интензивно возење велосипед, разговарајте со вашиот лекар ако имате проблеми со срцето, артритис или тенки коски.
