Честопати во парковите може да видиме возрасен како се спушта на лизгалка држејќи го своето дете во скутот, но еден татко предупредува дека никогаш не треба да го правиме тоа. Објавата на страницата на Инстаграм Caring Parent е конкретно наменета за новите татковци, но таа важи за сите родители.
„Не е безбедно да се спуштате на тобоган со дете во скутот. Тежината на таткото може да му ја згмечи и скрши ногата на бебето ако се закачи за страната на тобоганот“, стои во описот на видеото.
Ситуацијата за која предупредува оваа страница не е нова. Додека се спуштала со својата мајка низ тобоган во 2015 година, на малото девојче Медоу му се фатила ногата, така што стапалото и се извртило во сосема погрешна положба. Утврдено е дека се здобила со скршеници на тибијата и фибулата на десната нога, па поминала четири недели со ногата во гипс.
Според Американската академија за педијатрија, повеќе од 350.000 деца на возраст под шест години биле повредени на тобогани во САД од 2002 до 2015 година.
