Кое е првото нешто што го правите кога ќе го слушнете бебето како плаче? Станувате и го земате во вашите раце. Знаеме дека ова е еден начин да го смирите новороденчето. Се практикува со векови и секогаш делува. Но, која е причината позади овој феномен?
Според студијата објавена во 2013 година во „Current Biology“, кога ги носеле мајките, бебињата помлади од шест месеци веднаш се смирувале и престанувале да плачат. Нивниот пулс започнувал да опаѓа во споредба со бебињата кои биле во скутот на мајките кои седеле.
Ако вашето бебе почне да плаче, паметно е да го земете во раце. На тој начин ќе дознаете дали е само исплашено или, пак, е гладно
Оваа реакција на бебињата не се однесува само на луѓето. Сличен образец се забележува и кај некои други цицачи.
За потребите на оваа студија, истражувачите го следеле однесувањето на 12 здрави бебиња на возраст од еден месец до шест месеци. Целта била да се утврди кој е најефикасниот начин да се смири бебето што плаче или е вознемирено. Се покажало дека тоа е носењето.
Истражувачите заклучиле дека причината за ваквото однесување е вроден механизам за преживување, кој е битен дел од интеракцијата помеѓу мајката и детето. Носењето стимулира физиолошки реакции кои помагаат да се смири детето.
Со други зборови, ако вашето бебе почне да плаче, паметно е да го земете во раце. На тој начин ќе дознаете дали е само исплашено или, пак, е гладно.
