Запек или констипација е чест проблем кај децата, а пред да посегнете по некои лекови кои би можеле да му помогнат на вашето малечко, обидете се да го решите проблемот со зголемување на хранливите влакна во исхраната.
Кога детето не може да изврши голема нужда има тврда столица, редовното внесување на хранливи влакна е вашиот најдобар сојузник, а еве зошто.
Постојат два вида влакна, растворливи и нерастворливи, а двата вида се важни за дигестивниот систем.
Растворливите влакна формираат гел во дигестивниот тракт на децата и го забавуваат варењето, а ги има во различни намирници како овес, црн грав, авокадо, јаболка и банани. Нерастворливите влакна остануваат непроменети додека минуваат низ дигестивниот систем, а се наоѓаат во јаткастите плодови, интегралното пченично брашно и семките.
Природни лаксативи
Храната која е богата со растителни влакна понекогаш се нарекува природен лаксатив бидејќи може да помогне во празнењето на цревата. За да бидете сигурни дека вашето дете добива доволно влакна, важно е да јаде овошје и зеленчук секој ден.
Доколку детето до сега не консумирало доволно влакна, постепено зголемувајте ја количината што ја консумира, бидејќи наглото зголемување на внесот на влакна може да предизвика надуеност и гасови кај децата.
Еве кои намирници се богати со влакна, па можете да му ги дадете на вашето дете доколку има проблеми со запек.
1. Малини
Ова овошје е едно од најмоќните кога станува збор за влакна, бидејќи содржи осум грама влакна во една шолја малини.
2. Компири
Избегнувајте да го пржите, но претпочитајте печен или варен компир. Патем, еден компир со средна големина има четири грама влакна.
3. Овесна каша
Една овесна каша, без никакви додатоци, има околу четири грама влакна, а можете да ја понудите на вашето дете во комбинација со овошје, за дополнителна доза влакна.
4. Тестенини од цело зрно
Малите најмногу сакаат да јадат тестенини, што е одлична можност да им понудат тестенини од цело зрно, кои имаат околу шест грама влакна во една порција.
5. Грав
Секој вид грав е богат со протеини, влакна и железо. Покрај чорбастиот грав, на детето можете да му понудите и тавче гравче кое, на пример, ќе го ставите во тортиља. Во четвртина чаша грав има околу три грама диетални влакна.
6. Лен
Најдобар ефект ќе има мелениот лен, кој содржи здрави масти и околу три грама влакна во само една лажица. Мелен лен можете да додадете во разни пити, мафини, вафли…
7. Авокадо
Една четвртина чаша авокадо содржи околу три грама влакна, како и здрави мононезаситени масти. Исцедете малку лимон и додадете малку сол и имате гвакамола што можете да ја намачкате на парче интегрален леб.
8. Пуканки
Децата најмногу сакаат пуканки, но имајте на ум дека тоа претставува ризик од гушење за малите деца. Повозрасните можат слободно да уживаат во нив бидејќи на тој начин внесуваат цело зрно.
9. Круши
Една круша со средна големина со кора содржи околу пет грама влакна, што е, општо земено, околу една четвртина од дневниот внес на влакна за децата.
10. Калинка
Калинките, или здравите, слатки семки од ова овошје што се јадат, содржат околу три грама влакна во половина чаша. Можете да му ги понудите на вашето дете со јогурт или да ги додадете во овесната каша.
