Малите деца се познати по палавост, поради што родителите ни за момент не смеат да ги остават сами. Доволно е еден момент, некој мал предмет да заврши во устата, увото или носот на детето, а општиот лекар Тим Џонс раскажува за ситуација кога од нос на четиригодишно дете извадил грашок, со се лисја и корени.
„Тоа дете почна да се жали на главоболки, дека не може да почувствува мирис, а во десната ноздра почна да му се појавува крвав секрет“, се присетува овој лекар, додавајќи дека родителите знаеле дека нешто не е во ред, но не очекувале дека се работи за грашок.
Ставањето работи во нос толку е често помеѓу децата, што Детската болница во Квинсленд направи листа на десет работи кои децата најчесто ги пикаат во носот, поради што завршуваат во Ургентните центри.
Еве кои 10 работи децата најчесто ги ставаат во носот:
- Мониста
- Лего коцки
- Мали топчиња
- Семе
- Јаткасти плодови
- Играчки
- Копчиња
- Боички
- Магнети
- Батерии
„Децата никогаш не престануваат да ме вџашуваат со нивната способност да ставаат сосема неочекувани работи во носот“, вели д-р Арон Џонстон од Службата за итна помош, додавајќи дека совршен пример за тоа е девојче кое во носот ставала приврзоци во форма на пеперутки – по еден во секоја ноздра.
Родителски бакнеж
Еден метод што може да помогне кога детето ќе стави предмет во носот е таканаречениот бакнеж на мајката (или таткото), каде што родителот всушност му дава вештачко дишење уста на уста на детето, истовремено блокирајќи ја ноздрата која е е слободна, т.е. во која не е предмет.
Д-р Џонсон вели дека оваа техника во некои случаи може да помогне предметот да испадне од носот.
