Едно од најчестите прашања што идните родители го пребаруваат на Гугл е како да добијат момче или девојче. Иако шансата е 50-50 и без медицинска интервенција тешко е да се влијае, многумина се колнат во митови и народни приказни и се подготвени да се обидат.
Овие се најпознатите митови, но и научни факти.
Бројни фактори влијаат на полот на детето. Додека некои барем до некаде имаат научна тежина, некои се целосно без објаснување и се пренесуваат од колено на колено. Иако се невтемелени, ги забавуваат луѓето, па ако се обидувате да добиете бебе, можете и сами да ги тестирате некои од теориите и советите.
- Стресот носи девојчиња
Според истражување на Универзитетот Оксфорд, жените кои се под голем стрес пред и за време на зачнувањето имаат 75 проценти помали шанси да родат момче. Затоа, ако веќе сте ја обоиле собата во сина боја, бидете помалку нервозни.
- Повеќе калории
Жените кои јадат житарици за појадок и внесуваат повеќе калории во текот на денот имаат поголема веројатност да зачнат момче отколку жените кои не појадуваат и внесуваат помалку калории, заклучок е од истражувањето на Оксфорд.
- Месо – овошје
Ако сакате момче, јадете авокадо, брокула, моркови, тиквички, грејпфрут, грав, киви, мед, краставици, лук… За да зачнете девојче, треба да консумирате месо, живина, јајца, житарки, морски плодови, кикирики, чоколадо, кафе, газирано …
- Мисионерска поза
Важна е длабочината на пенетрацијата и оддалеченоста на семената течност од јајце клетките. Мисионерската поза веројатно носи девојче, а за зачнување момче посигурна е позата одзади, советуваат гинеколозите. Пенетрацијата е подлабока, а Y сперматозоидите се помалку издржливи.
Женски оргазам
Ако жената постигне оргазам пред мажот, можете да почнете да купувате розово. Женскиот оргазам помага во приближување на сперматозоидите кој јајце клетката, што годи на сперматозоидите со X хромозоми, велат научниците.
- “Y“ е многу побрз
Би требало да имате односи 24 часа пред овулација. Со оглед дека Y сперматозоидите се побри и поподвижни, ќе стигнат на целта пред X сперматозоидите. Така можете да бидете сигурни дека сте направиле се за да добиете машко дете.
- Север за момче
Иако без посебно објаснување, постои теорија што се пренесува меѓу луѓето и вели дека момче е загарантирано ако главата на жената е свртена на север за време на сексуалниот однос. Значи, компас во рака!
- ПАРНИ/НЕПАРНИ денови
Иако жените неамаат овулација во исто време, едно од народните преданија е дека сексуалниот однос во парни денови ја зголемува шансата за девојче, додека жешките ноќи во непарни денови се повеќе создадени за зачнување момче. Кој верува, можеби сексот секој втор ден е најдобар и најбезбеден за посакуваното потомство.
- Вечерен секс
Закажете му на партнерпт на пладне или навечер, никогаш среде ноќ ако сакате да родите девојче. Едно народно верување вели дека ноќта е идеално време за зачнување момче. Значи, ако веќе имате едно момче и сакате промена, подобро е да почекате до утрото. Уште подобро попладне…
- Легнете на грб
Легнете на грб после односот и останете така некое време. Наводно, ова му дава шанса на сперматозоидот што е клучен за момче да победи на патот кон јајце клетката. Имено, иако се побрзи, не се толку отпорни како оние одлучуваат за девојче.
- Ако жената иницира однос, стига девојче
Ако жената иницира секс, шансите за зачнување девојче автоматски се поголеми. Не е јасна научната основа на ова тврдење, но сигурно е забавно да се проба. Уште ако се земат предвид положбата, времето и местото на акција, големи се шансите да успеете да ја победите мајката природа и да го добиете токму она што го сакате.
