Медицинските сестри отсекогаш играле клучна улога во закрепнувањето и благосостојбата на луѓето ширум светот. Но, тие тешко дека добиваат почит како што заслужуваат. Токму затоа овој ден е посветен на нив – да им се оддаде почит за се што прават.
Во време на пандемија, значењето на медицинските сестри е поголемо од кога било
Темата на огодинешниот Меѓународен ден на медицинските сестри – 12 мај е „ГЛАС ШТО ВОДИ – ВИЗИЈА ЗА ЗДРАВЈЕТО ВО ИДНИНА“.
Како и лекарите и другите здравствени работници, медицинските сестри се во првите редови во борбата против пандемијата на Ковид-19.
Медицинските сестри се ’рбетниот столб на здравствениот систем, витален ресурс составен дел на тимовите, во болниците во кои работат
„Предизвикот за нас почнува од денот кога ја бираме професијата. Хуманоста и сочувството не може да ги научите, едноставно ги имате или не. И кога ги имате, изборот е направен, така влегувате во хуманата машина за суштината на нашето постоење, нашите пациенти. Секој успех на тимот е наш успех, дека сите се оствариле во својата професија, сите ја достигнале целта и причината поради која станале медицинска сестра. Таа треба да се одликува со точност, професионалност, колегијалност, доверливост и цело е кога има сѐ. Ве просветлува вашата униформа која ја носите достоинствено и која ве задолжува и човечно, а не само професионално. Не знам дали е доволно на кратко да го опишам чувството да се биде медицинска сестра, акушерка или стоматолошка сестра“, вели м-р Горданка Бешлиовска, претседателка на Здружение за медицински сестри, техничари, акушерки и стоматолошки сестри „За нас“ од Скопје и предводник на Унијата на Здруженија на медицински сестри, во претходно интервју за Педијатар.мк.
„Вашата улога во справувањето со оваа пандемија е од големо значење за сите нас, а сето ова ја истакна важноста на работата која секојдневно ја извршувате. Вие не сте само промотери на здравјето, туку сте и заштитници, чие знаење и пожртвуваност секојдневно спасува безброј животи“, истакна министерот Филипче
„Ние сме со пациентите од почетокот преку анкетите, низ целиот процес на лекување и рехабилитација. Ние сме промотори на здравството, здравствени воспитувачи за унапредување на здравјето, професионални во сите нивоа на здравствениот систем и лекување на болните, како и во палијативата за олеснување на маките. ’Рбетниот столб на здравствениот систем, витален ресурс составен дел на тимовите, во болниците во кои работиме“, додава Бешлиовска.
Во време на пандемија, значењето на медицинските сестри е поголемо од кога било. Тие континуирано им даваат услуги на пациентите, претставувајќи го столбот на здравствениот систем во болниците, каде што се најмногубројни професионалци.
Д-р Венко Филипче: Вие не сте само промотери на здравјето, туку сте и заштитници
По повод Меѓународниот ден на медицинските сестри, Министерот за здравство д-р Венко Филипче се сретна со медицинските сестри вработени на КИБФС во Скопје, искажувајќи ја својата благодарност за целокупниот придонес во текот на пандемијата.
„Вашата улога во справувањето со оваа пандемија е од големо значење за сите нас, а сето ова ја истакна важноста на работата која секојдневно ја извршувате. Вие не сте само промотери на здравјето, туку сте и заштитници, чие знаење и пожртвуваност секојдневно спасува безброј животи“, истакна министерот Филипче.
