Многу жени сонуваат да станат мајки, но тој сон речиси да и бил одземен на една жена која мислела дека никогаш нема да може да основа семејство. Но, сега, Сату Нордлинг Гонзалес од Шведска, е горда мајка на десет деца која ги поминала последните 14 години од својот живот бремена.
35-годишната мајка детално го прикажува својот семеен живот на Инстаграм и споделува прекрасни снимки од нејзините деца на возраст од неколку месеци до 13 години. Сату имала 21 година кога за првпат останала бремена од нејзиниот сегашен сопруг Андрес од Уругвај, но се завршило со трагедија кога доживеала спонтан абортус. Според локален шведски весник, Сату останала со лузни на матката и повторното забременување се покажало тешко. Поради стресот, тогаш овулацијата целосно престанала за Сату, која мислела дека „никогаш нема да станам она за што чувствував дека сум создадена, мајка“.
Но, две и пол години подоцна таа конечно повторно забременила откако мислела дека тоа е невозможно, а нивното прво бебе Никол се родило во 2008 година. Сега, Сату и Андрес, кој работи во градежништво, имаат шест девојчиња и четири момчиња откако го пречекаа најмладиот Бенџамин пред десет месеци, Никол, 13, Ванеса, 12, близнаците Џонатан и Данило, 11, Оливија, 8, Кевин, 7, Селина, 6, Изабел, 4 и Меланија, 1,8 години.
Денот на оваа зафатена мајка започнува околу 6.30 часот кога ги менува пелените, прави појадок и ги подготвува своите постари деца за на училиште.
„Да се биде мајка е огромна работа и жртва. На моменти ме обзема чувство на замор уште пред да појадувам. Сепак, насмевките и љубовта на децата се најдобрата награда за мојата грижа за нив“, вели Сату Нордлинг Гонзалес
Потоа почнуваат домашните работи и таа ќе ја исчисти кујната, ќе ги испере алиштата и садовите, ќе ја исчисти куќата со правосмукалка и ќе го среди нивниот дом во Шведска – пред да испере повеќе алишта после ручекот. Цело време се грижи најмладите од кланот да се придржуваат до строг распоред за спиење. Потоа, кога децата ќе се вратат од училиште, таа им прави закуска, им помага со домашните задачи, а потоа продолжува со домашните обврски и подготвува вечера додека децата си играат.
Како што пренесува „Baby News“, времето за спиење на Сату е околу полноќ, а со нејзиниот сопруг се сами кога сите деца се во кревет, после 20 часот. „Да се биде мајка е огромна работа и жртва. На моменти ме обзема чувство на замор уште пред да појадувам. Сепак, насмевките и љубовта на децата се најдобрата награда за мојата грижа за нив“, вели Сату Нордлинг Гонзалес.
„Моето тело отсекогаш брзо закрепнувало по бременостите. Активна сум со децата и многу се движам поради нив“, додава мајката на 10 деца. (Pregnant life)
