Јасно е дека пред да станете родители сте прочитале куп литература и сте прегледувале многу сајтови за бебиња. Сепак, одговори на некои прашања (можеби) не сте успеале да најдете. Еве некои од нив…
Зошто на бебето му паѓа првата косичка?
Високото ниво на естроген предизвикува опаѓање на косата во бременоста. Со оглед дека дел од тие хормони преку постелката се пренесуваат на бебето, иста е причината и за опаѓањето на неговата косичка.
По раѓањето, потребни се околу шест месеци на бебето да му се формира обликот и текстурата на коста. Немојте да се изненадите ако обликоти бојата на косата на вашето дете се променат преку ноќ. Кај многу деца, “втората“ косичка е потемна и погуста од онаа првата.
Зошто на бебињата им се менува бојата на очите?
Непосредно по раѓањето, бојата на очите на бебето е сина, оти не содржи доволно кафеав или жолт пигмент на меланин. Светлите деца имаат многу малку еланин, но и кај нив од 6 до 12 месец, обоениот дел на окото ќе потемни. Кај некои деца пигментацијата трае се до адолесценцијата, па бојата на очите им се менува и по неколку пати.
Што детето ќе наследи од мама, а што од тато?
Научниците откриле низа особини кои се наследуваат од еден доминантен ген, што знали дека бебето има 50% шанса да ги наследи особините од мама или од тато. Сето тоа зависи од група на гени, од кои само еден е доминантен, а за кој ген станува збор ќе дознаете кога детето ќе има околу шест години.
