Виенските научници успеаја да направат тродимензионален приказ на коронавирусот од замрзнати примероци. Сите претходни презентации на коронавирус биле исклучиво модели. Тие се препознатливи по кружниот облик со карактеристичните шилести протеини со чија помош вирусот продира во човечките клетки. Виенската спин-оф компанија на Техничкиот универзитет „Нанографикс“ успеа да создаде видео презентација врз основа на честички на вирусот.
„Визуелизацијата на виенската компанија се базира на истражување на научниците од универзитетот Џингхуа во Пекинг, каде што тим на експерти успеа да издвои честички на вирусот од примероци, да ги скенира со нискотемпературен електронски микроскоп и да ги дигитализира“, изјави Иван Вајола од Техничкиот универзитет во Виена и Универзитетот за наука и технологија „Крал Абдула“ во Саудиска Арабија како дел од онлајн презентацијата на Виенската фондација за наука, истражување и технологија. Значајно е дека скенирањето на примероците колку што е можно не ја изменило структурата на шилестиот протеин.
