Во реалниот живот, ни родителите не се совршени – грешиме, губиме трпение, понекогаш викаме и носиме одлуки за кои подоцна се каеме.
Но, постојат ситуации во кои, иако имаме добра намера, можеме да му наштетиме на детето ако го присилуваме. Токму затоа е важно да знаеме каде да повлечеме граница.
Еве неколку работи на кои не треба да го присилувате вашето дете
Да јаде ако не е гладно
Иако постојат препораки за бројот на оброци во текот на денот, секое дете има свој ритам и потреби.
Присилувањето да јаде може да создаде отпор кон храната и да го наруши природното чувство за глад и ситост.
Да биде нешто што не е
Секое дете има свој карактер.
Ако е срамежливо, прифатете го такво какво што е. Не го терајте да биде екстровертно или да се дружи повеќе отколку што му одговара.
Прифаќањето е основа за здраво самодоверба.
Да се извини без да разбере зошто
Често родителите бараат од децата веднаш да кажат „извини“, без претходно да им објаснат што направиле погрешно.
Во такви случаи, извинувањето нема вистинска вредност.
Многу поважно е детето да разбере што се случило и зошто тоа однесување не е во ред.
Да спие само ако не е подготвено
Прашањето за самостојно спиење е различно за секое семејство.
Но, присилувањето на детето да спие само, ако не е подготвено, може да создаде страв и несигурност.
Подобро е да му дадете време и да дозволите самото да покаже кога е подготвено за тој чекор.
Понекогаш најдоброто што можете да го направите како родител е – да не брзате. Да го слушате детето и да му верувате.
