Начинот на кој го започнуваме денот може да има големо влијание врз тоа каков ќе ни биде денот, а да не зборуваме колку многу значи кога ќе стекнеме некои здрави навики во детството.
Затоа експертите издвоиле неколку добри утрински навики, кои им помагаат на децата да бидат посреќни, поздрави, па дури и попаметни.
- Будење во исто време, дури и за време на викендите
Доследноста е неверојатно важна во воспитувањето на децата. Рутината во будењето помага да се „прилагоди“ нивниот внатрешен часовник или циркадијален ритам. Благодарение на ова, тие ќе спијат подобро навечер, полесно ќе се будат наутро и ќе бидат подобро расположени.
Децата кои имаат доследен распоред за будење се концентрираат подобро на училиште. Студиите покажале дека ова го намалува ризикот од чести промени во расположението, раздразливост, па дури и прекумерна телесна тежина во детството.
- Мало размрдување прави чуда
Не зборуваме за тоа да детето во седум часот наутро одработиу цел тренинг, туку за неколку едноставни вежби за истегнување кои ќе ги разбудат уморните мускули. Физичката активност во првиот дел од денот е поврзана со подобра концентрација на училиште. Го подобрува расположението со ослободување на хормони кои им помагаат на децата да се чувствуваат добро.
- Пиење вода веднаш по станување
Добро е наутро да му дадете на вашето дете чаша вода веднаш штом ќе се разбуди. По 8-10 часа без течности, колку што поминува додека спијат, на телото му е потребна вода! Хидратацијата му помага на мозокот да работи подобро – ја зајакнува меморијата, вниманието, па дури и расположението, го започнува метаболизмот и го стимулира варењето на храната.
- Здрав протеински појадок
Појадокот е навистина најважниот оброк во денот – особено за децата кои растат и се развиваат. Но, не е важно што им давате на најмалите да јадат наутро, важно е утринскиот оброк да биде богат со протеини. Протеините го одржуваат нивото на енергија стабилно, го поддржуваат растот на мускулите, функцијата на мозокот и имуниот систем.
