Околу половина од мајките и една третина од татковците донесуваат новогодишни одлуки поврзани со родителството, покажало ново истражување на Универзитетот во Мичиген. Истражувањето, спроведено меѓу 2.044 родители на деца помлади од 18 години, открило дека 47% од родителите сакаат подобро да ги дисциплинираат своите деца, а 78% од родителите велат дека ќе настојуваат да бидат потрпеливи.
Ако имаме проблем со спроведувањето на правила и наметнувањето граници, детскиот психолог Мона Делахук предлага респонзивно (одговорно) родителство кое комбинира емпатија и строгост.
„Љубезноста и строгоста не се масло и вода. Тие можат да одат заедно“, вели Делахук.
Сочувствувајте со детето
Да речеме дека нашето дете се лути во продавница затоа што не сакаме да му купиме играчка. Нашата прва реакција може да биде да го прекориме, што резултира со расправија.
„Не само што се лутите на детето, туку го обвинувате затоа што е непристојно. На тој начин му покажувате дека не е во ред да се изразуваат емоции како лутина и разочарување“, потенцира Делахук.
Наместо да очекуваме детето да се однесува како возрасен кој знае како да се справи со непријатните чувства, треба да се обидеме да го разбереме. Тоа не значи дека треба да му ја купиме играчка, објаснува психологот. Но, наместо да викаме, треба да останеме смирени и да признаеме дека е разбирливо да себиде вознемирен кога не добиваме нешто што сакаме. Ова исто така му помага на детето да научи како да се справи со потешките емоции.
„Морате да го научите детето да ги контролира своите емоции“, тврди детскиот психолог.
Препорачаниот пристап на одговорно родителство, кое комбинира емпатија и строгост, ја нагласува важноста од препознавање на емоциите на детето. Овој пристап не само што помага во регулирањето на емоциите, туку и гради цврста основа за здрав однос и доверба.
