Ова се неколку работи со кои може да се обидете да ја поттикнете врската татко и дете во вашиот дом:
Таткото нека се вклучи во процесот на хранење
Ако доите, партнерот не може да учествува во хранење на детето. Но, тоа не значи дека мажот не може да учествува во процесот на хранење на бебето. Таткото нека го држи во раце детето по подојот за да подригне и нежно нека го потчукнува по грбот, за полесно да се ослободи од изголтаниот воздух.
Гушкање и галење
Вечерите со новороденче може да бидат хаотични, особено за мајката која се обидува да жонглира помеѓу хранење, менување пелени, вакални алишта и вечера. Таткото и бебето трба да имат свое време за дружење. Додека бебето лежи, партнерот може да биде до него. Вам ќе ви се ослободат рацете и може да ги завршите неопходните домашни работи, а поттикнувате квалитетна поврзаност на партнерот и детето. Секој добива!
Капењето треба да биде семејно случување
Таткото може да учествува или целосно да ја превземе обврската на капење на детето. Бебињата обожаваат да се капат, така што оваа обврска ќе биде уживање и за таткото и за детето.
Приказна за добра ноќ
Тоа е одличен начин бебето да се запознае со гласот на таткото и да се успива со него. Тоа е и прекрасен начин таткото да се одмори од денот и едноставно да се гледа во очи со своето дете и да ја следи неговата реакција.
Посебна врска
Мајките, жените понекогаш имаат потреба се да контролираат. Можеш ли да се опуштиш? Оставете партнерот да прави некоја своја работа со детето. Без оглед дали е тоа квалитетно време поминато на стомаче или читање приказна. Им треба време кога се заедно и прават нешто без вас.
