Кога започнува периодот на цврста храна, родителите често имаат многу прашања и притоа се збунети и загрижени. Последните препораки за воведување цврста храна се сведуваат на тоа дека на вашето бебе можете да му ги понудите сите групи на храна, но на некои работи сепак треба да внимавате. Што да избегнувате?
Сокови
Соковите често се преполни со адитиви, дополнителни шеќери, а сиромашни со витамини. Ако одлучите да му понудите на вашето дете сокови, погрижете се тие да бидат наменети за неговата возраст.
Готова и солена храна
Без разлика дали е купена замрзната или готова, готовата храна е извор и на голем број адитиви, засилувачи на вкус, сол и шеќер, па дефинитивно треба да избегнувате да ја давате на мали деца на кои им е потребна едноставна и свежо подготвена храна. Прекумерното внесување сол може да биде опасно за бубрезите на бебето, па затоа бебешката храна воопшто не треба да се посолува, а таа сеедно ќе биде вкусна за бебето.
Овошје и зеленчук во изворна форма
Округлото овошје и зеленчук како што се боровинки, пченка, грозје и грашок претставуваат потенцијална опасност од гушење, како и моркови, јаболка и слично овошје и зеленчук што детето едноставно не може да ги иситни самостојно, па затоа оваа храна мора да му се понуди сечкана се додека детето не може да го направи тоа самостојно со запчињата и/или непцата.
Сурови јајца
Јајцата кои не се доволно термички обработени, можат да бидат опасни за бебињата, затоа избегнувајте такви јајца и сосови во кои истите може да се најдат. Погрижете се сета чувствителна храна како што се јајцата, рибата и месото да бидат комплетно термички обработени пред консумирање.
Одредени видови риби
Иако рибата е одличен избор во исхраната на бебињата и децата, треба да се избегнуваат рибите со повисоко ниво на жива во составот, како што се сабјарка, туна и ајкула бидејќи можат да бидат штетни за развојот на нервниот систем.
