Најголемото изненадување на родителството? Количината на грижа на совест за сè што се прави или не се прави. Сите поаѓаат од идејата дека ќе бидат опуштени родители, но кога ќе видат како други родители (барем однадвор) стигаат се да завршат, лесно е да се почувствува притисок.
А вистината е – нема причина да се чувствувате виновни за некои работи, како овие:
- Неспособност да се направи сè
Митот за супер-родител кој успева се да држи под контрола едноставно не постои. Понекогаш се пропуштаат училишни приредби, се доцни на состаноци или едноставно не можете да кажете „да“ на секој повик. Важно е да го дадете најдоброто од себе и тоа е доволно.
- Избор на поскапа роденденска прослава за да заштедите време
Планирањето на роденден може да биде исцрпувачко, па понекогаш малку „луксуз“ значи помалку стрес. Ако тоа значи избегнување ноќни часови поминати во правење украси, вреди секој денар.
- Избегнување на игротеки поради непријатни односи со родителите
Децата можат одлично да се сложуваат, но тоа не значи дека родителите треба да бидат пријатели. Ако постои нелагоден однос, децата секогаш можат да се дружат на училиште.
- Брза храна или полу-готови оброци
Домашните оброци се одлични, но ако вашите деца претпочитаат макарони и сирење купени од продавница наместо домашната верзија – нема смисла да ги комплицирате работите.
- Не преземање улога на „родител на одделението“
Учеството во училишните активности може да биде корисно, но не е неопходно секогаш да се биде во првите редови на организацијата. Понекогаш е во ред да дозволите другите да ја преземат таа улога.
- Прескокнување приказни пред спиење
Читањето е важно, но не мора да биде строго секоја вечер. Понекогаш победуваат заморот, обврските или гледањето цртани филмови заедно.
- Брзање на децата во кревет
Вечерните разговори се скапоцени, но понекогаш сакате само миг на мир – дали за серија, книга или чаша вино.
Родителството не е конкуренција – се додека давате се од себе, работите се на вистинскиот пат.
