Со развојот на технологијата го прилагодуваме начинот на живот и во овој случај воспитувањето на децата. Пред смартфоните и таблетите, децата го поминуваа слободното време играјќи си на свеж воздух. Си играле со топка, возеле велосипед и играле криенка. Играта траела додека да се запалат уличните светилки, а потоа си заминувале дома на вечера и капење. Иако веќе не живееме во тоа време, можеби е време да вратиме некои основи.
Пофалете го детето и заблагодарете му што направило нешто добро и убаво. Научете го како да биде емпатично, сочувствително
Тоа е новиот свет. Денес родителите им даваат на своите деца напредна технологија за да имаат мир и за да се забавуваат децата. Психолозите од Харвард го проучувале денешниот свет во одгледувањето на децата. Образованието и животните навики секако треба да се прилагодат на новите услови за живеење, но психолозите заклучиле дека постојат неколку основни елементи за воспитување на децата до кои се уште можеме да се придржуваме.
Обидете се да дознаете што се случува во животот на вашето дете. Проверете кај наставникот, тренерот или менторот дали има промена во однесувањето на детето. Дозволете му на вашето дете да се чувствува удобно кога разговара со вас. Детето треба да знае дека е приоритет во вашиот живот. Не е доволно да му покажете љубов и внимание давајќи му подароци, чувајќи го или хранејќи го. На децата им е потребна и потврда преку зборови. Зборовите се важни. Поканете го вашето дете да седне и да сподели приказни за училиштето, домашните задачи и пријателите
- Поминувајте време со вашите деца
Тоа е наједноставниот совет што го препорачуваат сите угледни психолози. Сепак, живееме во момент кога водиме битка со времето. Технологијата нè опкружува и не окупира 24 часа на ден. Тука спаѓаат социјални мрежи, вести, е-пошта и комуникација со најблиските преку СМС пораки. Грижата за дете исто така бара и време, па полесно е да се забавува детето со давање таблет или мобилен телефон. Квалитетното време поминато со децата значи играње со топка, читање, планинарење, играње во парк или одење на прошетка. Интеракцијата лице в лице е од суштинско значење. Ова се работите кои ќе останат запаметени. Децата често забораваат на подароците. Тие само сакаат да поминуваат квалитетно време со своите родители.
- Отворено разговарајте со детето
Повеќето се сметаат дека се грижливи родители, но понекогаш на децата им треба повеќе. Обидете се да дознаете што се случува во животот на вашето дете. Проверете кај наставникот, тренерот или менторот дали има промена во однесувањето на детето. Дозволете му на вашето дете да се чувствува удобно кога разговара со вас. Детето треба да знае дека е приоритет во вашиот живот. Не е доволно да му покажете љубов и внимание давајќи му подароци, чувајќи го или хранејќи го. На децата им е потребна и потврда преку зборови. Зборовите се важни. Поканете го вашето дете да седне и да сподели приказни за училиштето, домашните задачи и пријателите.
- Покажете му на детето како да решава проблеми
Еден од најголемите подароци што можете да му ги дадете на вашето дете е способноста да анализира и решава проблеми. Научете го да дознае што сака. Не можете да ги решите сите негови проблеми. Дозволете му да се грижи само за да може да израсне во продуктивен возрасен човек. Исто така, дозволете му да ги сподели своите проблеми и дајте му совет доколку го побара тоа.
- Покажете му на вашето дете благодарност и фалете го секој ден
Научниците велат дека покажувањето благодарност е многу корисно за децата бидејќи им помага да развијат дарежливост, сочувство и способност да простуваат. Овие деца исто така имаат поголема веројатност да бидат здрави и среќни. Родителите треба да им дадат до знаење на своите деца и дека се горди на нивните постигнувања. Важно е децата да ја гледаат благодарноста како прекрасен подарок. Пофалете го детето и заблагодарете му што направило нешто добро и убаво. Научете го како да биде емпатично, сочувствително. Децата најдобро учат преку пример. Однесете го во засолниште за бездомници. Изложете го на луѓе кои не се во иста позиција како вас. Нека биде сведок колку е среќен што има свој дом. Бидете отворени со него. Со овој пристап, можете да му помогнете да ги отстрани своите предрасуди за луѓето. Запомнете дека сè започнува од дома.
- Проширете ги нивните хоризонти
Научете го вашето дете да биде добар слушател, да комуницира без употреба на технологија, да покажува сочувство кон другите, да не осудува и да ги разбива предрасудите. Родителите се клучен фактор во човековата еволуција, а децата имаат исклучителни способности за апсорпција и прилагодување. Изложете го вашето дете на различни култури и помогнете му да развие љубов, љубезност и среќа.
