Според CDC, 24% од луѓето кои го пренесуваат вирусот на други никогаш не развиваат симптоми, а другите 35% биле пресимптоматски. Исто така се вели дека 41% заразиле други лица додека имале симптоми
Американскиот центар за контрола и превенција на болести (CDC) во своите нови упатства нагласува дека COVID-19 се шири најмногу преку заразени лица кои немаат никакви симптоми и затоа е исклучително важно да се носи маска.
Повеќето инфекции со SARS-CoV-2 ги шират асимптоматски луѓе, пишува CDC на својата веб-страница каде што објаснува како да се користат маските за контрола на ширењето на вирусот.
„CDC и други проценуваат дека повеќе од 50 % од сите инфекции се пренесуваат од луѓе кои не покажуваат никакви симптоми. Тоа значи дека барем половина од новите инфекции доаѓаат од луѓе кои веројатно не се свесни дека се заразни“, се додава во упатствата објавени во петокот.
Според CDC, 24% од луѓето кои го пренесуваат вирусот на други никогаш не развиваат симптоми, а другите 35% биле пресимптоматски. Исто така е кажано дека 41% заразиле други лица додека имале симптоми.
Врвот на инфективноста доаѓа пет дена по инфекцијата, објави Центарот.
Во упатствата се наведува студија објавена во јули во Зборникот на трудови на Националната академија на науките, како и се уште необјавени податоци на CDC. Ова е првпат CDC да објави колкав процент на инфекции шират лицата без симптоми.
„Инфекцијата се шири првенствено со изложеност на респираторни капки кои заразените лица ги издишуваат кога дишат, зборуваат, кашлаат, киваат или пеат“, додава CDC. Од Центарот објаснуваат дека луѓето исфрлаат повеќе капки кога зборуваат или пеат погласно или кога повеќе се напрегаат.
-
CDC вели дека студиите покажале дека 40-45 % од заразените луѓе никогаш не развиваат симптоми.
„Меѓу луѓето кои развиваат симптоматска болест, ризикот од пренесување достигнува врв во деновите непосредно пред појавата на симптомите (пресимптоматска инфекција) и неколку дена потоа. Соодветно на тоа, бројот на пренесени инфекции достигнува врв кога нивото на вирусот ќе го достигне својот врв“, се нагласува во соопштението.
Значи, луѓето го шират вирусот додека не знаат дека се заразени. Маските можат да го спречат ова ширење.
Платнените маски можат да ги спречат луѓето да издишат слуз или плунка кои го носат вирусот. Овие честички можат да летнат директно на другите, да паднат на површините или да останат во воздухот – особено во затворен простор. Се додава дека маските можат да помогнат луѓето да не вдишат капки, големи и мали, кои го носат вирусот, пишува Си-Ен-Ен.
