♦♦♦♦♦♦♦
Американскиот центар за контрола и превенција на болести неочекувано ги врати упатствата за пренесување на коронавирусот, отстранувајќи го делот за пренос преку воздухот што беше претходно објавен.
„Нацрт-верзијата на предложените измени на овие препораки беше објавена по грешка на официјалната веб-страница на агенцијата. CDC во моментов ги ажурира своите препораки во врска со пренесувањето на SARS-CoV-2, вирусот што предизвикува COVID-19, по воздушен пат”, изјави Џејсон Мекдоналд, портпарол на CDC за Си-Ен-Ен.
И покрај студиите кои покажаа дека новиот коронавирус може да се шири преку мали честички во воздухот, на веб-страницата на CDC сега пишува дека се смета дека COVID-19 се шири главно помеѓу луѓе во близок контакт, што е околу 1,8 метри и преку респираторни капки што се јавуваат кога заразено лице кашла, кива или зборува“.
Во ажурирањето во петокот, CDC додаде и нови заштитни мерки против COVID-19, вклучувајќи препораки за употреба на прочистувачи на воздухот
Американскиот центар за контрола и превенција на болести (CDC) во објавената „драфт-верзија“ предупреди дека COVID-19 може да се пренесе со мали честички во воздухот и дека вирусите така можат да преминат и повеќе од два метра.
Во ажурираните упатства за борба против болеста COVID-19, објавени на веб-страницата на агенцијата, исто така, се препорачуваше луѓето да користат прочистувачи на воздух за да го намалат внесот на микроби во затворени простории и со тоа да избегнат ширење на болеста.
„Вирусите што се пренесуваат преку воздухот се најзаразни, а CDC предупредува на зголемен ризик од ширење на болеста во простории што не можат да бидат добро проветрени.“
Исто така во петокот CDC ги ажурираше и упатствата за тестирање на коронавирус истакнувајчи дека секој што контактирал со заразено лице треба да биде тестиран за коронавирус.
