Бројот на нови случаи на COVID-19 е во пораст ширум светот, па затоа се препорачува да се избегнуваат гужви за да се заштити сопственото здравје, но и оние околу вас. Гугл неодамна анализираше голема база на податоци и откри кога местата како што се продавниците за храна и кафулиња се најмалку полни.
-
При пазарење секако е потребно да се придржувате до епидемиолошките мерки. Носењето заштитни маски во продавниците и одржувањето на физичката дистанца се двете наједноставни работи што секој може да ги направи за свое добро
Но, понекогаш во продавниците има голема гужва и е невозможно да се одржува дистанца. Токму затоа анализата на Гугл е корисна и може да ви помогне да испланирате кога да купувате.
Што покажуваат анализираните податоци?
Пред се, Гугл открива во кое време гужвите во продавниците се најголеми и најмали. Оттаму напоменуваат дека се анализирани податоци само од март до октомври 2020 година со цел да се фокусираат на навиките за купување за време на пандемијата.
Најлошо време за купување намирници, според Гугл, е сабота попладне од пладне до 15 часот. Во овој период, продавниците се најфреквентни, така што има поголеми шанси да сретнете личност која е позитивна на COVID-19. Според Гугл, најдобро време за купување намирници е понеделник наутро околу 8 часот.
Покрај шопинг, Гугл анализираше и кога е најдобро да одите на кафе, во аптека или да се прошетате во парк.
Најдобро време да одите на кафе е околу 16 часот, а анализата открила дека во вторниците околу 16 часот гужвата е најмала. Најлошо време да одите во кафуле е во сабота во 10 часот наутро.
Ако, пак, сакате да прошетате во парк, треба да знаете дека гужвата во парковите е најголема во сабота во 16 часот, а најмала секој работен ден во 7 часот наутро.
Аптеките се најфреквентни во петок во 15 часот, а во понеделник во 9 часот има најмалку гужва, покажала анализата на Гугл.
