Холивудската актерка Анџелина Џоли се отвори за својот семеен живот, зборувајќи искрено за родителството и нејзините шест деца во интервју за „Пипл“. Признава дека, како и многу мајки, знае да биде строга кон себе околу секојдневните одлуки во врска со децата.
„Никако не сум совршен родител. Секој ден се чувствувам како да сум посвесна за се што не правам како што треба. И прилично сум строга кон себе бидејќи често размислувам дали ја правам вистинската работа? Дали ја кажав вистинската работа?“
Таа зборуваше и за своите деца, 20-годишниот Медокс, 17-годишната Пакс, 16-годишната Захара, 15-годишната Шајло и тринаесетгодишните близнаци Вивиен и Нокс, кои ги дели со бившиот сопруг Бред Пит.
„Моите деца направија многу, многу работи кои се полни со љубов. Добрината на моите деца беше многу лековита за мене“, вели таа.
„Тие се прилично одлични луѓе, а бидејќи ги има толку многу, мислам дека имаа многу значајно влијание еден врз друг. Не е дека јас сум главна во сè. Многу сум искрена спрема моите деца. И со нив се однесувам многу човечки“, додаде таа.
Застапничката за човекови права, исто така, објасни дека нејзиниот приоритет како самохран родител на шест деца е „да биде тука за да ги поддржува и развива сите различни аспекти на тоа што се“.
„Имам шест многу индивидуални човечки суштества во мојот дом. Многу сум возбудена поради сите различни фази, чувства и љубопитности низ кои минуваат. Зошто да не бидам? Треба да им се помогне да сфатат кои се. А не е можно да сфатат кои се, ако и јас не се развивам ентузијастички со нив“, рече таа.
Џоли неодамна сподели слатки моменти на црвениот тепих со своите деца. Тие ѝ се придружија на премиерата на „Eternals“ минатата недела, каде што носеа винтиџ и рециклирана облека, дел од неа потекнуваше од плакарот на славната оскаровка, како на пример, фустанот од доделување на Оскар 2014 на Elie Saab Couture, кој го носеше Захара, пишува „Insider“.
