На социјалните мрежи се води вистинска војна! Се започнало кога една мајка објавила четири фотографии од своето бебе на Фејсбук и се пофалила дека му направила маникир. На секоја фотографија бебето е со различен облик на нокти и различна боја, а луѓето најмногу останале шокирани кога ги виделе ноктите обликувани во шпиц и украсени со дијаманти. А за објавата да биде уште поинтересна, оваа мајка, напишала:
„Можам да ги средам ноктите на вашето бебе, испратете ми порака… Евтини цени“, стои во описот на фотографиите, кои брзо станаа вирални.
Оваа објава ги збесна корисниците на социјалните мрежи. Веднаш се јавија многумина кои истакнаа дека е многу опасно за бебето да има толку долги и остри нокти, бидејќи може да се повреди.
„Ноктите на бебето треба да бидат кратки за да не се повреди. Ова е многу патетично и глупаво“, напишала една мајка. Друга, пак, се прашувала што не е во ред со овој свет. Останатите се ределе со предупредувања и го посочувале она што е очигледно за секоја разумна личност.
Сепак, имало и такви кои забележале дека е многу веројатно позади фотографиите да се крие фотошоп и дека се е само една (несолена) шега, иако мајката што ги објавила фотографиите не се изјаснила за тоа, пренесува британски „The Sun“.
