Кога мајките го раѓаат своето прво дете, тие обично „зјапаат“ во него, плашејќи се дека нешто важно може да се пропушти. Внимавајќи на сè што прави бебето, многу од нив забележуваат некои работи што ги загрижуваат, кои всушност се само нормални невролошки манифестации кај новороденчињата.
Еве кои се тие симптоми што често ги плашат мајките, а се сосема нормални.
- Тремор на брадата и рацете
Во текот на првите денови од животот, брадата и рацете повремено се грчат кај две третини од здравите новороденчиња.
Оваа состојба не бара третман:
- Ако треморот се јавува поради вознемиреност (при соблекување на бебето, поради контакт со вода, ненадејни звуци или поради студ);
- Ако постои јасна тенденција да се намали (обично во рок од три месеци треморот исчезнува целосно или видливо се намалува);
- Ако бременоста и породувањето биле нормални и нема фактори на ризик за оштетување на централниот нервен систем.
Меѓутоа, постојат ситуации кога треморот укажува на оштетување на централниот нервен систем и сепак е подобро да се консултирате со невролог.
- Невообичаена боја на кожата околу носот и брадата
Мермерната или синкава кожа на назолабијалниот триаголник или целото лице во повеќето случаи е физиолошка состојба.
Не бара третман:
- Ако се појави кога на детето му е ладно или топло;
- Поминува кога бебето е во просторија со пријатна температура;
- Ако детето е видливо здраво (јаде добро, добива на тежина, се развива според возраста);
- Ако постои тенденција „чудната“ боја да бледее како што бебето расте (обично целосно исчезнува до три месеци).
Кога „невообичаената“ боја на лицето е светла, постојана, трае (и има и други придружни симптоми), таа навистина може да укажува на некои сериозни болести, и во тој случај е потребно да се консултирате со педијатар или невролог.
- Новороденчето ги стиска тупаниците
Многу мајки веруваат дека ова е знак на зголемен мускулен тонус и, според тоа, оштетување на централниот нервен систем. Всушност, сите луѓе имаат тенденција да ги држат рацете во полусвиткана положба, дури и кога се опуштени.
Навистина, со оштетување на централниот нервен систем, тонусот на флексорните мускули на рацете се зголемува и раката останува стегната во тупаница. Меѓутоа, ако мускулниот тонус на детето не се меша во активните и целосни движења во зглобовите и мајката лесно може да ја отвори дланката, ако добро ги фаќа предметите и се развива според нејзината возраст, тогаш нема причина за грижа.
- Детето оди на прсти
Кога првпат ќе проодат, многу деца одат на прсти и за повеќето од нив ова е нормална развојна фаза. Многу често, ако бебињата проодуваат рано, помеѓу девет и 12 месеци, тие стапнуваат на прсти, но ова не е знак на оштетување на централниот нервен систем, што е она за што многу мајки прво помислуваат. Покрај тоа, се смета за нормално децата да одат на прсти до две или три години.
- Нарушување на сонот
Детето заспива бавно, често се буди ноќе, има кратки дневни дремки. Некои родители имаат тенденција да се грижат дека има оштетување на централниот нервен систем и зголемен интракранијален притисок. Иако е добро да се биде внимателен, имајте на ум дека во 90 проценти од случаите овие нарушувања на сонот се минливи и дека не се знак за какво било оштетување на централниот нервен систем. Обидете се да ги прилагодите условите во кои спие бабата – проветрете ја и затемнете ја просторијата, држете се до рутината на спиење и видете дали ова ќе му помогне на детето подобро да спие.
