Сигурно сте забележале дека вашето бебе може да се забавува со најнеобични работи подолго време, а дека играчките што им ги нудите воопшто не делуваат интересно. Еве кои предмети ги навеле мајките, а со кои ги смириле и развеселиле своите најмили. Можеби и вам ќе ви падне на ум некоја идеја.
Шише со вода
На еден форум за родители, мајка споделила свое необично искуство со шише. “Моето девојче го смирува шише со вода. Кога ја пресоблекувам или е вознемирена и плаче, а знам дека е сита и пелената и е сува, само земам во рацете шише со вода и го вртам. Таа го гледа како да е светско чудо“, напишала мајката.
Кивање
Сигурно сте забележале дека ако кивнете во близина на детето, тоа се развеселува, а еве и зошто:
“Нашето кивање посебно ги развеселува бебињата бидејќи е гласно и проследено со чуден израз на лицето, што е добитна комбинација за бебешка насмевска„, објаснуваа стручњаците.
Етикети
Една мајка открила дека нејзиниот син посебно го забавуваат етикетите. “На мојот син етикетите некое време му беа многу интересни. Знаеше да ги фаќа во рацете и да ги гледа како некоја магија“, вели таа, а еве како тоа го објаснуваат експертите:
“Речиси сите бебиња обожаваат етикети бидејќи големината им е идеална за нивните рачиња и се со различни текстури. Обично се и во контрасни бои, а тоа е токму она што малите очи го гледаат“.
Парно
“Нашата ќерка се смирува на подлогата за пресоблекување и секогаш гледа во парното. Понекогаш му се насмевнува,а од неодамна и му зборува“. Имавме гости, а таа се раплака, а мојот сопруг рече: ‘Ќе ка однесам малку да гледа во парното, а луѓето останаа зачудени“, напишала една мајка.
Стручњаците го објаснуваат и ова.
“Малите бебиња не гледаат контрасти и бои, а токму тоа е причината зошто сакаат да гледаат во ѕид или во парно. Имено, не може да разликуваат длабочина и бои, а она што може да го видат се рабови на кои се спојува ѕидот и таванот. Она што посебно ги интересира се сенките на ѕидовите и парното, па уште и ако се движат, забавата е загарантирана“.
