Можеби ова ви звучи неверојатно, но некои жени можат да бидат „алергични на бременост“. Станува збор за многу ретка појава која се манифестира со исклучително тешки симптоми на бременост, а всушност телото се „бори“ против хормонот на бременост, Бета ХЦГ.
“Бременоста ми беше потврдена со 6 недели, а мачнините беа неподносливи. На почетокот ги ублажував со лути гуми за џвакање. Но, толку знаеше да ми биде мачно што морав да излезам од јавен превоз затоа што ми требаше воздух. Мачнините не беа само наутро, туку и во текот на денот и ноќта. Потоа почна повраќањето! Сè ми пречеше, од сув тост до обичен бисквит, па дури и голтка вода. Се чувствував болно. Повраќав 25-30 пати на ден, често и преку нос. Отидов на лекар, а по пат повраќав и на паркинг, и во чекална и во ординација. Одговорот беше дека мачнините се нормална појава во бременоста’, ја започнува својата приказна британската новинарка Соња Пернел, за која бременоста од самиот почеток била речиси неиздржлива.
Но, во осмата недела од бременоста, Соња толку многу повраќала што 36 часа не можела да консумира ништо, дури ни вода. Нозете и се треселе, усните и биле суви, а кожата бледа и студена. Откако повторно посетила лекар, тој ја упатил на тестови, а лекарскиот тим заклучил дека не се работи само за обични симптоми на бременост.
“Прво ме испратија на итен ултразвук, кој два пати беше прекинат бидејќи морав да трчам во тоалет. На ултразвукот се беше во ред, се слушаше чукањето на срцето на бебето. Се чувствував прекрасно и мислев дека што и да се случува, само сакав да се спасам. Набрзо ми вклучија инфузија и ми дадоа две инјекции. Ми објаснија дека тоа е единствениот начин да го задржам бебето. Ми објаснија дека сум алергична на бременост!“, се присетува Соња.
Нејзиното тело не реагирало добро на хормонот за бременост Бета ХЦГ и постојано се борело против него, едноставно, го доживувало како „непријател“. Затоа, во текот на бременоста, Соња неколку пати била хоспитализирана, неколку пати била на инфузија, а во 34-та недела од бременоста, како што вели и самата, ‘изгледала како зомби’.
И тогаш почнало породувањето. Во истиот момент и престанале мачнините и исчезнала потребата за повраќање. „Прв пат почувствував глад и иако морав итно да одам во болница, прво се најадов. Беше тоа еден од најголемите оброци во мојот живот. Јадев и се смеев!“.
Новинарката се породила пред терминот, бебето било здраво, а периодот на страшна мачнина останал запишан како алергија на бременост.
