Првите движења на вашето бебе коисте ги почувствувале не значат, како што вообичаено се вели дека бебето оживеало, бидејќи тоа е живо уште од 5. недела на бременоста, кога се појавуваат првите отчукувања на срцето. Со првите движења кои вие ги чувствувате, бебето вам ви покажува дека е присутно и дека пораснало.
Сега се довршува окостувањето на ситните коски на внатрешното уво, како и развојот на делот на мозокот кој прима и обработува звучни сигнали, така да сега вашето бебе може да слушне и звуци кои доаѓаат однадвор. Истовремено, мрежницата станува почувствителна на светлина.
Бебето е долго од 18-21 сантиметар, а тешко од 180-235 грама.
Меѓу типичните тегоби во бременоста спаѓаат и следниве проблеми:
-
Чувство на напнатост и тежина во нозете
-
Грчеви во листовите, како и чувство на трнење во нозете
-
Отекување на стапалата
-
Појава на проширени вени на нозете
-
Појава на хемороиди
Феталната ехокардиографија претставува преглед на срцето на ембрионот од страна на гинеколог, перинатолог. Посебни индикации за фетална ехокардиографија се нухален набор поголем од 3мм за време на првото тромесечје, дури и ако кариотипот на фетусот е уреден, дијабетес мелитус кај трудницата, близначка бременост, појава на срцеби малформации кај мајката, или во семејството.
