Менструалниот циклус престанал сега телото се подготвува за овулација. Нивото на естроген (полов хормон) во организмот се зголемува, се до моментот кога и навистина ќе дојде до овулација. Се зголемува либидото и следната недела би требало да се случи оплодувањето. Се уште не сте бремена, но сепак, ова е втора недела. Овулацијата е времето на наголема плодност кај жената. Јајце клетката е способна за оплодување само четири часа по овулацијата, но сперматозоидите може да живеат и 72 часа во слузокожата на матката.
Полов однос во време на овулацијата не значи и сигурна бременост – шансата да се случи оплодување е околу 35%.
Обрнете внимание каква храна внесувате. Вишокот, како и недоволните килограми може да влијаат на репродукциската способност. Обидете се пред бременоста да остварите и да задржите приближно идеална телесна тежина, бидејчи бременоста не е време за држење диета.
Избегнувајте масна храна и храна богата со шеќери. Внесувајте повеќе свежо овошје и зеленчук. За да зачувате еластичноста на кожата, добрата дигестија, како и циркулација, внимавајте на доволниот внес на течности, но не претерувајте.
Вашата добра општа состојба на организмот ќе му олесни не само на оплодувањето, туку и на породувањето, па искористете го времето пред зачнување да бидете максимално подготвени за периодот што доаѓа.
