Бебето е тешко околу 199 грама и долго повеќе од 42 сантиметри. Скелетот се зајакнува. Коските на черепот се уште не се сраснати, што на бебето во текот на породувањето ќе му го олесни минувањето низ родилниот канал. Овие коски нема да се зацврснат се до раниот возрасен период, така да ткивото и мозокот можат заедно да се развиваат за време на детството. Во оваа недела, бебето најверојатно ќе се постави со главата надолу, како би се подготвило за породувањето. Доколку се близначиња, само едното бебе ќе ја завземе таа положба.
Чувствувате чудни удари секаде по стомакот? Не грижете се, тоа се само лактите и колената на вашето бебе. Чуден е и вашиот папок, кој сега е развлечен и можеби штрчи. Испакнатиот папок може да биде многу чувствителен, но по породувањето ќе се врати во нормална положба.
Бебето завзема се повеќе простор во стомакот. Активностите, кои претходно со леснотија сте ги правеле, сега се потешко ги извршувате. Предизвик е воопшто да најдете лесна положба за седење и спиење.
Можно е да се јават болки или дури и губење на осетот во прстите, зглобовите и дланките. Во зглобовите се задржува течност, што може да го зголеми притисокот во карпалниот канал. Нервите кои минуваат низ овој канал може да бидат притиснати, создавајќи вкочанетост, пулсирање или болка која пече.
