Вашето бебе чека да го поздрави светот! И натаму добива на тежина за полесно да контролира температурата на телото по раѓањето. Веќе е долго околу 50 сантиметри, а тешко околу 3000 до 3250 грама. Засилената работа на хормоните не влијае само на вас, туку и на детето. И да се јават некои необични појави, тие ќе исчезнат за неколку дена.
Со оглед дека веќе се подготвувате за породување, направете список на сите неопходни работи кои ќе ви бидат потребни и кои може однапред да ги спакувате. На тој начин во брзање нема да заборавите ништо. Не размислувајте многу околу породувањето, бидејќи тоа нема да изгледа онака како вие си замислувате.
