![7 недела 1](https://pedijatar.mk/wp-content/uploads/2019/03/7-nedela-1-696x464.jpg)
Четирите пупки кои се формирале, сега веќе се препознаваат како раце и нозе со назнаки каде ќе растат прстињата. ‘Рбетот и мозокот се веќе развиени, главата веќе личи на глава на возрасен човек, но пропорционално е значајно поголема во однос на трупот.
Бебето е долго околу 13 милиметри и тешко околу 2 грама.
Во првите недели од бременоста, најчест симптом е мачнината и честото повраќање. Без разлика дали се нарекува утринска мачнина, може да се јави во било кој период од денот.
Често се јавува и засилена чувствителност на мириси, а кај некои жени и засилено чувство на замор и без дополнителен напор, како и чувство на раздразливост. Дојките се напнати и чувствителни. Причина за ваквите промени е зголеменото ниво на хормони, прогестреон кој го создава се уште жолтото тело во јајчниците.
Кога ќе почувствувате дека надоаѓа мачнина, седнете и свиткајте се нанапред така да главата ви се наоѓа меѓу колената.
Во спречување на утринските повраќања и други чести тегоби во бременоста, на многу жени им помага топол чај од камилица, нане или ѓумбир.