Научниците за прв пат успеаја да ги следат промените во мозокот во текот на целата бременост, од периодот пред зачнувањето до постпарталниот период. Нивното истражување открива како хормоните, како што се естрогенот и тестостеронот, силно влијаат на мозокот, обликувајќи го расположението, меморијата и многу повеќе.
Студијата објавена во списанието „Nature Neuroscience“ документирала промени во мозокот на една жена скенирајќи го 26 пати во текот на бременоста – пред, за време и по породувањето. Резултатите откриваат дека бременоста ги менува мозочните структури, како што е намалувањето на сивата материја, додека белата материја станува појака, пишува „National Geographic.“
Промените во мозокот за време на бременоста може да имаат и позитивни и негативни ефекти. Депресијата за време на бременоста и по породувањето погодува помеѓу 10 и 20 % од мајките, а многумина остануваат недијагностицирани. Ова истражување може да помогне да се препознаат типичните модели на промени во мозокот и да се идентификуваат оние кои укажуваат на ризик од перинатална депресија
Сивата материја, одговорна за когнитивните процеси како учењето и социјалната перцепција, се намалува за време на бременоста. Оваа промена не е загрижувачка бидејќи слични процеси се случуваат за време на пубертетот со цел мозокот да стане поефикасен. Научниците веруваат дека овие промени им овозможуваат на мајките подобро да се прилагодат на потребите на своето дете.
Белата материја, која ги поврзува нервните мрежи, се зајакнува во вториот триместар, но се враќа на основното ниво до раѓањето. Овие промени потенцијално ги подобруваат когнитивните способности, но тоа бара дополнително истражување.
Промени кои траат со години
Студијата покажа дека промените во сивата материја траат и до две години по раѓањето. Научниците откриле дека овие промени се поврзани со зголемено ниво на хормони како што се естрадиол и прогестерон. Интересно, снимањето на мозокот може да идентификува дали некоја личност била бремена, дури и децении подоцна.
И покрај фактот дека повеќето жени доживуваат бременост во текот на нивниот живот, ефектите од овој период врз мозокот остануваат недоволно проучени. Помалку од 0,5 % од статиите за невронаука објавени во последните 25 години се занимавале со теми специфични за здравјето на жените
Промените во мозокот за време на бременоста може да имаат и позитивни и негативни ефекти. Депресијата за време на бременоста и по породувањето погодува помеѓу 10 и 20 % од мајките, а многумина остануваат недијагностицирани. Ова истражување може да помогне да се препознаат типичните модели на промени во мозокот и да се идентификуваат оние кои укажуваат на ризик од перинатална депресија.
Занемарена тема во науката
И покрај фактот дека повеќето жени доживуваат бременост во текот на нивниот живот, ефектите од овој период врз мозокот остануваат недоволно проучени. Помалку од 0,5 % од статиите за невронаука објавени во последните 25 години се занимавале со теми специфични за здравјето на жените.
Причина? Бремените жени честопати се исклучени од истражувања како што се скенирање со магнетна резонанца како мерка на претпазливост, иако е докажано дека се безбедни. Емили Џејкобс, една од авторките на студијата, истакнува дека историското запоставување на женското тело во биомедицинската наука е дел од поширок проблем.
Ваквото истражување е важно не само за разбирање на бременоста, туку и за други хормонални промени како што се менопаузата и хормонската терапија. „Незнаењето за овие феномени не им штети само на жените – им штети на сите“, заклучува Џејкобс.
