Луѓето кои се целосно вакцинирани против Ковид-19 не треба да носат маски или да практикуваат социјална дистанца во затворени простории или на отворено, освен под одредени околности, објави вчера директорот на Центaрoт за контрола и превенција на болести на САД (CDC).
„Ако сте целосно вакцинирани, можете да почнете да го правите она што сте го прекинале поради пандемијата. Сите го чекавме моментот кога ќе можеме да се вратиме во некоја нормалност. Ова е возбудлив и моќен момент“, рече директорката на CDC, Рошел Валенски за време на вчерашниот брифинг во Белата куќа.
Американците кои ги примиле двете дози на вакцината против коронавирус (две недели по примање на втората доза) можат да престанат да носат маски на скоро сите места, надвор или внатре, објави Американскиот центар за контрола и превенција на болести (CDC)
Новите правила подразбираат дека маските сè уште треба да се носат во објекти каде што има голем број луѓе, како што се болници, затвори, прифатилишта за бездомници, автобуси, авиони… Луѓе кои се вакцинирани со двете дози, но нивниот имунитетот е компромитиран можат и понатаму да продолжат да носат маски, односно да се консултираат со нивните лекари пред да ги извадат маските.
„Сите кои се целосно вакцинирани можат да учествуваат во активности надвор или внатре, поголеми или помали, без физичко дистанцирање“, најави директорката на CDC, Рошел Валенски, за време на брифингот во Белата куќа.
