Всушност, масажата ја јакне детската емотивна поврзаност со родителите, го поправа расположението, ја смирува напнатоста, ја јакне циркулацијата, имунитетот, варењето, спречува и ги намалува болките кои се јавуваат од грчевите и помага при спиењето.
За да можете да го масирате своето бебе, не мора да завршите курс за масажа.
Доволно е да видите како тоа се прави, да го следите својот инстикт и да го правите тоа свесно, со љубов и чувства.
КАКО ДА ГО МАСИРАТЕ БЕБЕТО
За време на масажата важно е да користите нежни и сигурни движења. Додека го масирате бебето, не го прекинувајте контактот. Во секој момент, ако не со двете, барем со едната рака допирајте го и масирајте го бебето, така да масажата има континуитет. Додека го масирате нежно гледајте го и зборувајте му на бебето, со зборови кои му испраќаат порака на љубов. Така се стимулираат сите сетила, а со гледањето во очи воспоставувате интензивна визуелна комуникација. Помалите делови масирајте ги со врвовите на прстите, а поголемите со целата дланка.
За да научите колкав притисок му одговара на вашето бебе, направете го следново:
Затворете ги очите и со прстите притиснете ги своите очни капаци, се до чувство на непријатност. Со маасажата може да почнете веднаш по раѓањето на бебето, без страв. Тоа на бебето ќе му помогне да побрзо се навикне на новата средина, Додека не падне папочето, не го масирајте стомакот и регијата околу папокот. На самиот почеток масажата треба да трае 2-3 минути и тоа само делот на нозате, грбот и градниот кош. Постепено продолжувајте го траењето на масажата и деловите на телото кои ги масирате. Кога бебето ќе наполни еден месец, целокупната масажа на бебешкото тело може да се прави во траење од 10-15 минути, односно според неговото расположение.
Собата во која се мамсира бебето треба да биде топла, убаво загреана. Користете лесни природни масла за полесно движење на вашите раце. Важно е рацете да бидат чисти, да немате накит или долги нокти. Секое движење повторете го по три пати и масирајте полека, правилно, нежно и ритмично.
Започнете од главата и лицето, па преку рамената измасирајте ги рацете на бебето, и не ги заборавајте дланките. Потоа продолжете со градниот дел, па стомачето и нозете. Масирајте ги и стапалата. На крај завршете со грбот. Масажата може да си ја прилагодите како вам и на бебето ви одговара, но најважно е и вие и тоа да биде опуштено.
