Секое дете е поинакво, па и хранењето е единствено за секого. Она што сигурно е заедничко за сите е дека мајчиното млеко е идеален избор. На исклучиво доено дете нема потреба да му се додава никаква течност, па ни вода. Меѓутоа, мајките често се во дилема кога е во прашање искуството со доење, па неретко доаѓаат во ситуација да го прекинат доењето оти сметаат дека немаат доволно млеко или дека нивната храна не е доволно квалитетна.
Ова се шест чести заблуди поради кои мајките го прекинуваат доењето:
- Градите се празни
Полноста на градите не е вистински показател за количината на мајчино млеко што детето го цицало. Оваа ситуација може да се промени за неколку часа. Честопати жените кои често и правилно ги ставаат децата на градите и не чувствуваат исполнетост во градите. Меѓутоа, телото понекогаш произведува повеќе отколку што му е потребно на детето, па чувствуваат натечени гради. Во ниту една од овие ситуации не можеме да бидеме сигурни дека детето испило доволно млеко, ако показател е само исполнетоста на дојките.
- Детето навечер често се буди
Спиењето на детето цела ноќ не е вистински показател дека има внесено доволна количина на леко. Напротив, ако дете старо само 10 дена спие цела ноќ,најчесто е во прашање тоа дека недоволно јадело. Познати се и ситуации дека дете кое премногу спие и не бара да јаде, не добива доволно млеко. Има многу отстапувања, но во овој случај треба да побарате стручен совет.
- Детето плаче по подој
Иако е можно бебето да плаче по доењето затоа што недоволно јадело, постојат и други причини зошто може да плаче. Нема потреба да се ограничува времето на доење, иако често ќе слушнете совет да доите 20 минути на едната, а потоа 20 минути на другата страна. Подобра опција е да го доите детето на една града, па дури потоа да се префрлите на друга доколку детето сака повеќе.
- Детето често цица и хранењето трае долго
На една мајка хранењето на дете на три часа може да изгледа како пречесто, додека за друга тоа е предолг период. За некои мајки е премногу долго да го држат детето на гради 20 минути, додека за други е премногу кратко. Едноставно не постои правило за тоа колку долго и колку често треба да го доите вашето бебе.
Не е точно дека детето добива 90% од храната во првите 10 минути. Дозволете му на детето да си го одреди распоредот за хранење. Запомнете дека детето може да биде на градите 24 часа, но ако не цица правилно, нема да пие доволно млеко. Ако детето јаде правилно и тоа трае само 2 минути, може да исцица доволно за оброк. Доколку се случи детето брзо да заспие на градата, постојат постпаки со кои можете да го “натерате“ да продолжи да јаде. Стиснете му ги благо прстите на нозете, петата или галете го по вратот и тоа ќе се разбуди и ќе продолжи.
- Се обидов да извлечам млеко со пумпа, но немам доволно
Ова не значи апсолутно ништо и не треба да се грижите. Не треба да излекувате млеко од градите само за да “знаете“ колку има. Повеќето мајки имаат доволно млеко, а најчеста причина зошто бебето не добива доволно млеко што е во градата е неправилната положба или неправилно цицање, или и двете. Овој проблем може да се реши многу лесно.
- Детето има пет недели, се трга од градата, но ми се чини дека е уште гладно
Ова не мора да значи дека мајчиното млеко “пресушило“ или го изгубило квалитетот. Во текот на првите неколку недели од животот, бебињата обично заспиваат на градата кога протокот на млеко е намален, дури и кога не завршиле со хранење. Разбудете ги да продолжат.
Постарите деца (од четири до шест недели) повеќе немаат потреба да спијат на дојка за време на доењето, па често се тргаат од дојката. Ова не значи дека количината на млеко се променила, туку детето се менува. Постојат одредени методи, како што е притисокот врз градата, за да се “убеди“ бебето да продолжи да цица.
