Стрес, лоша исхрана, недоволно силно цицање на бебето, одредени медикаменти, кандида, болни брадавици, породување со царски рез, се само некои од причините зошто мајката не може да произведе доволно млеко.
Тоа може да бидет стресно како за самата мајка, така и за бебето, оти како што е познато, мајчиното млеко е најдобра и најздрава храна за новороденчето. Ако и вие имате ваков проблем, дознајте што може да направите за да ја подобрите лактацијата.
♦ Чести подои. Колку почесто детето цица и ја празни дојката, толку повеќе млеко ќе се создава. Во случај бебето да не цица ефикасно или доволно често, мајката треба да се измолзува помеѓу подоите.
♦ Нудење на двете дојки во еден подој. На тој начин дојките се стимулираат да произведуваат повеќе млеко.
♦ Со консумирање на големи количини на течности и со балансирана исхрана со соодветена количина на калории и висок процент на калциум, железо и протеини.
♦ Користење на природни билни препарати кои може да ја поттикнат лактацијата и да ја зголемат продукцијата на млеко.
