Бројте ги хранливите состојки, не калориите
Повеќето жени се свесни за храната која е препорачливо да се избегнува во бременоста: свежо сирење, пршута, непастеризирани млечни производи… Но, поголем е акцентот на храната што треба да се јаде. Не треба да се јаде за двајца, туку да е внимава да храната што се консумира биде хранлива, а не калорична.
Според нутирционистите, дневно се потребни само 300 калории плус од пред бременоста, за да се износи здраво и силно дете.
Првите три месеци од бременоста се развиваат органите на бебето, па исхраната треба да биде разновидна и да се темели на житарки од цело црно, овошје, зеленчук и квалитетни извори на белковини и масти.
Закажете ултразвучен преглед
Првите шест до девет недели ултразвучниот преглед знае да биде несигурен. Но, по тој период, дури и се препорачува да се направи првиот ултразвучен преглед. Најчесто се изведува во првото тромесечие (до крај на 12. недела од бременоста) и може прецизно да се одреди траењето на бременоста, бројот на плодови, и јасно да се оцени дали станува збор за уредна или за патолошка бременост.
Дознајте ги знаците за вонматерична бременост
Вонматеричната бременост е кога фетусот се развива надвор од матката, обично во јајцеводот. Може да биде опасна по животот на мајката и нема начин да се спаси фетусот. Обрнете внимание на болка во стомакот, крварење и болка на врвовите на рамената. Особено, силната болка во стомакот, која жената ја опишува како убод од нож, во повеќето случаи е знак на прскање на јајцеводот и изискува итна хируршка интеревенција.
Крвната група е многу важна
Ако имате негативна крвна група (Rh -), а бебето е позитивна, тоа може да предизвика бројни компликации. Штом забремените, треба да направите едноставен тест од крв, за да ја дознаете својата крвна група, во случај да веќе не ја знаете. Ако за време на бременоста, дојде до контакт на мајчината и крвта на бебето, може да дојде до имунолошки одговор на телото на мајката: ги уништува црвените крвни клетки на бебето што предизвикува анемија. Затоа, секоја мајка со Rh- негативен фактор во рок од 72 часа по породувањето прима инјекција анти-д имуноглобулин кој спречува создавање на антитела во крвотокот.
