♦♦♦♦♦♦♦
Девојче од Италија, кое има четири години е првото дете заразено со коронавирус во Италија, пренесуваат утрово италијанските медиуми.
Детето доаѓа од местото Кастиљоне де Ада во Ломбардија, едно од 10 места кои се наоѓаат во црвената зона.
Девојчето е хоспитализирано со благи симптоми на грип и не е во сериозна состојба. Се претпоставува дека вирусот го добила во болницата во Кодоњо каде што бил хоспитализиран првиот заразен со коронавирус во Италија.
Децата поретко заболуваат од коронавирусот, а засега се уште не е доволно јасно зошто е тоа така.
