Идните мајки сакаат да го допираат и галат својот труднички стомак. На овој начин тие се поврзуваат со бебето и комуницираат со него уште од најраните денови. Но, дали бебето чувствува дека трудниците го допираат и галат нивниот стомак?
Дури и пред бебињата да го развијат сетилото за вид и слух во матката, тие можат да почувствуваат допир. Бебињата близнаци редовно ќе комуницираат во вториот триместар од бременоста со меѓусебно допирање.
Додека го галите стомакот во последниот триместар од бременоста, можете да откриете и во која положба е бебето. Може да го почувствувате стомачето на бебето (меко, тркалезно), главата (тврда, кружна) и екстремитетите со кои ве удира од страна. Кога ќе почнете да ги чувствувате ударите и движењата на вашето бебе во стомакот, што најчесто е помеѓу 18. и 22. недела и бебето може да ве почувствува вас.
Како реагира бебето кога мама го милува стомакот?
Стручњаците кои истражувале како бебињата во матката реагираат на надворешните дразби, тврдат дека доживуваат лагодност кога мама го гали и допира нејзиниот труднички стомак. Истражувањата ги правеле со сонограм на бремени жени во текот на вториот и третиот триместар за да ги следат движењата на бебето додека нивните мајки зборувале, го галеле стомакот ичи лежеле целосно мирни.
Тие дошле до резултат дека бебињата повеќе ги мрдаат рацете, главата и устата кога мајките го допираат нивниот стомак отколку кога зборуваат, а на допирот на нивната мајка реагирале веќе помеѓу 21. и 25. недела од бременоста.
