Во студијата биле опфатени пациенти помлади од 18 години со инфекција Sars-CoV-2 и невролошки симптоми
Децата со коронавирус може да имаат невролошки симптоми во отсуство на респираторни, кои обично се поврзани со COVID-19, велат истражувачите. Новата студија посочува дека експертите треба да го земат предвид Covid-19 кога децата ги имаат овие знаци.
Ова е затоа што респираторните симптоми се невообичаени кај децата или, кога се присутни, се благи и лесно се пропуштаат, сугерираат научниците. Исто така тоа е и затоа што податоците укажуваат дека децата ја носат болеста без симптоми.
Наодите доаѓаат откако експертите претходно идентификуваа врски со Covid-19 во нова и посебна состојба кај децата. Болеста, наречена педијатриски воспалителен мултисистемски синдром, привремено поврзана со Sars-CoV-2 (PIMS-TS), за првпат беше идентификувана во април и досега се откриени околу 300 случаи во Велика Британија.
Пишувајќи во трудот објавен во „JAMA Neurology“, авторите на новото истражување рекоа: „Децата со Covid-19 може да имаат невролошки симптоми кои го вклучуваат и централниот и периферниот нервен систем и промени во сплениумот на снимањето, во отсуство на респираторни симптоми.“
Оваа серија на случаи е прва што ги пријавува невролошките карактеристики кои ги засегаат децата со PIMS-TS
Во студијата биле опфатени пациенти помлади од 18 години со инфекција Sars-CoV-2 и невролошки симптоми примени во детската болницата „Great Ormond Street Hospital for Children“ во периодот помеѓу 1 и 8 мај 2020 година.
Од 27 деца со Covid-19 – педијатриски воспалителен мултисистемски синдром, четири кои претходно биле здрави имале новонастанати симптоми. Симптомите вклучувале енцефалопатија – оштетување или заболување на мозокот, главоболки, знаци на мозочното стебло и церебрални – критични абнормалности на невролошката активност при контрола на автоматската функција за преживување како што е дишењето и чукањето на срцето, слабост на мускулите и намалени рефлекси.
На сите четири пациенти им бил потребен прием во единицата за интензивна нега за третман на Covid-19 – педијатриски воспалителен мултисистемски синдром.
Промени се забележани кај сите деца на магнетна резонанца на мозокот, објавија научниците од Универзитетскиот колеџ во Лондон.
Невролошко подобрување било забележано кај сите пациенти, при што две од децата целосно закрепнале до крајот на студијата.
Д-р Минг Лим, детски невролог од Кралскиот колеџ во Лондон и консултант педијатриски невролог во Children’s Neurosciences Centre, Evelina London Children’s Hospital, изјави: „Во последните неколку месеци, еден нов постинфекциски хипер-инфламаторен синдром, наречен PIMS-TS е идентификуван кај децата. Оваа група на деца, сега над 150 случаи забележани во Лондон и до 300 во Велика Британија, првично презентирана со висока температура, осип, конјунктивитис и болки во стомакот, напредува до мултиоргански откажувања, кои често бараат пролонгирано високо ниво на поддршка од интензивната нега.“
PIMS-TS се разликува од манифестациите на COVID-19 инфекциите кај возрасните и претходните извештаи за Covid-19 во детската возраст.
Д-р Лим додаде: „Оваа серија на случаи е прва што ги пријавува невролошките карактеристики кои ги засегаат децата со PIMS-TS, кои само што почнуваат да се препознаваат, или на почетокот или во текот на акутната болест. Уште поважно, долгорочниот невролошки тек и последователните последици од оваа состојба сега бараат ургентна евалуација“. (The Evening Express)
