Новиот извештај на Американскиот Центар за контрола и превенција на болести (CDC) сугерира дека коронавирусот би можел да се пренесе од човек на човек за помалку од 15 минути. Четирите главни фактори кои влијаат на пренесувањето на COVID-19 се: носење маска, вентилација на просторијата, времетраење на интеракција и одалеченоста помеѓу лицата.
Американската национална фудбалска лига (NFL) и CDC го испитувале влијанието на пандемијата врз изминатата фудбалска сезона во САД. Во текот на сезоната, играчите и другиот персонал носеле уреди кои следеле колку долго комуницираат со другите кога се на оддалеченост од два метра од другото лице. Истражувачкиот тим открил дека брзите превентивни мерки како што е самоизолацијата по потенцијалното изложување на вирусот биле корисни за спречување на ширење на коронавирусот.
Од август до ноември, околу 11,400 играчи и членови на персоналот направиле 623 000 тестови на COVID-19, а 329 од нив биле позитивни на коронавирус. Помеѓу 27 септември и 10 октомври, идентификувани се 41 случај, при што 21 случај бил поврзан со пренесувањето на вирусот во рамките на само еден тим, поради што тимот ги затворил сите свои спортски објекти.
Строги протоколи и превентивни мерки
Пребарувањето на контактите открило дека повеќе случаи на пренесување на вирусот можеле да се случат за помалку од 15 минути интеракција на растојание од два метра. На пример, во споменатата ситуација кога 21 играч се заразил во еден тим, 12 од нив имале интеракции кои траеле помалку од 15 минути. Покрај тоа, осум лица имале интеракции кои траеле помалку и од пет минути.
Истражувачкиот тим истакнува дека строгите протоколи можат да помогнат во контролата на вирусот и во другите институции. Овие протоколи вклучуваат заминување во изолација доколку лицето било изложено на вирусот, а превентивните мерки вклучуваат носење маска, одржување на растојание и престој на отворено
Помеѓу 1 октомври и 21 ноември, бројот на интеракции кои траеле 15 минути или подолго опаднал за 60%, а 189 играчи и членови на персоналот биле ставени во карантин по потенцијална изложеност на вирусот. Меѓу нив, 20 лица од 12 тимови имале позитивни резултати, а повеќето биле заразени од член на домаќинството или од некој надворешен контакт.
Истражувачкиот тим истакнува дека строгите протоколи можат да помогнат во контролата на вирусот и во другите институции. Овие протоколи вклучуваат одење во изолација доколку лицето било изложено на вирусот, а превентивните мерки вклучуваат носење маска, одржување на растојание и престој на отворено. (WebMD)
