Нашата студија демонстрира едноставен, бесплатен и клинички значаен метод кој го прави боцкањето помалку страшно, вели истражувачот Сара Пресман, професор по психологија
Дали насмевката може да биде клучот за помалку болна вакцинација? Истражувачите од Универзитетот во Калифорнија, Ирвин, велат да.
Насмевката, која ги крева аглите на устата, може да ја намали болката при боцкање на игла до 40%, а исто така и да ја олесни стресната физиолошка реакција поврзана со иглата со намалување на отчукувањата на срцето, рекоа истражувачите.
Изненадувачки, и гримасата исто така ги создала истите тие одговори. Лицата без никакви емоции (покер-фаца) немале таков ефект.
„Кога се соочуваат со неволја или задоволство, луѓето прават неверојатно слични фацијални изрази кои вклучуваат активирање на мускулите на окото, подигнување на образите и откривање на забите“, вели истражувачот Сара Пресман, професор по психологија.
„Откривме дека овие движења, наспроти неутралниот израз, се корисни во намалувањето на непријатноста и стресот“, рече Пресман во универзитетското соопштение.
Оваа вест луѓето можат да ја искористат веднаш, бидејќи оваа зима започнува вакцинацијата против COVID-19.
Со оглед на бројните ситуации кои предизвикуваат вознемиреност и болка и кои се наоѓаат во медицинската пракса, се надеваме дека разбирањето за тоа како и кога насмевнувањето и гримасата помагаат, ќе поттикне ефикасна стратегија за намалување на болката што ќе резултира со подобро искуство на пациентот, велат истражувачите
Студијата опфатила 231 лице кои пријавиле нивоа на болка, емоции и вознемиреност кога им бил инјектиран солен раствор со помош на игла, која вообичаено се користи при вакцина против грип.
Учесниците биле замолени да изразат вистинска насмевка, лажна насмевка, гримаса или неутрален израз. Оние кои ја задржале насмевката или гримасата, им рекле на истражувачите дека боцкањето болело дупло помалку за разлика од неутралната група.
„Нашата студија демонстрира едноставен, бесплатен и клинички значаен метод кој го прави боцкањето помалку страшно“, рече Пресман. „Со оглед на бројните ситуации кои предизвикуваат вознемиреност и болка и кои се наоѓаат во медицинската пракса, се надеваме дека разбирањето за тоа како и кога насмевнувањето и гримасата помагаат, ќе поттикне ефикасна стратегија за намалување на болката што ќе резултира со подобро искуство на пациентот.
Наодите од истражувањето се објавени онлајн во журналот „Emotion“.
