COVID-19 е првенствено респираторна болест, но се покажа и дека може да го инфицира срцето, а истражувањата откриваат колкава штета може да предизвика.
Притисок, стегање, болка или чувство на стегање или болки во градите или рацете што може да се прошират на вратот, вилицата или грбот се знаци за тревога
Истражување објавено во „The American Journal of Emergency Medicine“ потврдува дека пациентите можат да доживеат различни кардиоваскуларни проблеми: од аритмии, преку згрутчување на крвта, до откажување на срцето.
Студија од Вухан во Кина, од каде што потекнува вирусот, открива дека пациентите со Ковид-19, кои имале повреди на миокардот, ги имале следниве сличности: биле постари, имале воспаление и придружни кардиоваскуларни коморбидитети.
Ова се симптомите што укажуваат на тоа дека коронавирусот штетно влијае на кардиоваскуларниот систем.
- Отекување на нозете
Еден од знаците на згрутчување на крвта е отекување на нозете, но тоа обично не е на обете нозе.
- Болки во нозете
Ако имате згрутчување на крвта, болката често започнува во листовите и може да имате чувство како кога ногата ви се грчи, наведува клиниката „Мајо“.
- Црвена или плава кожа на нозете
Ако тромб ги запуши вените на рацете или нозете, тие може да изгледаат плавкасто или црвеникаво. Вашата кожа исто така може да остане без боја од оштетување на крвните садови.
- Чувство на топлина во нозете
Може да почувствувате упорно, пулсирачко чувство на грч во нозете. Исто така може да почувствувате болка или пецкање кога стоите или се движите. Како што се влошува тромбот, така кожата околу него често станува црвена и е топла на допир.
- Притисок во градите или рацете што се шири
Притисок, стегање, болка или чувство на стегање или болки во градите или рацете што може да се прошират на вратот, вилицата или грбот се знаци за тревога.
- Гадење
Лошо варење, ждригање или болка во стомакот се симптоми на Ковид-19, но исто така и на срцев удар.
- Студена пот
Кога вашето срце има проблеми со работата, му треба повеќе напор за да ја пумпа крвта. Исто така може да се чувствувате и вознемирено. Оттука и зголемената пот.
- Замор
Постојан, тежок замор, не само вообичаена поспаност, може да биде знак дека срцето ви откажува.
- Неправилни отчукувања на срцето
Брзиот ритам на срцето или забавениот ритам на срцето, комбиниран со болка во градите или отежнато дишење, се симптоми на кои треба да обрнете внимание. (Н1)
