♦♦♦♦♦♦♦
Вирусот може да го пренесете до лицето и со ракавиците, можеби дури и поопасно од рацете: „Сè уште не знаеме точно како се однесува вирусот на одредени подлоги, но можно е вирусот да се одржува подолго на латексот отколку на кожата“, предупредува д-р Рејнолдс
Голем дел од луѓето кога одат во шопинг покрај заштитната маска на лицето, со цел подобро да се заштитат, носат и ракавици. Повеќето одбираат тенки гумени раквици, некои носат обични зимски па дури и ракавици за миење садови. Но, се поставува прашањето: Дали носењето ракавици го прави купувањето помалку опасно?
За почеток, самиот чин на купување не не изложува на коронавирус толку колку што заклучуваат некои сензационалистички текстови. Второ, и уште поважно, „Носењето ракавици може да направи повеќе штета отколку добро“, тврди микробиологот Кели Рејнолдс. Еве и зошто:
Ракавиците се како рацете
Да, ракавиците го пренесуваат вирусот исто како и рацете, можеби дури и полошо. Овој вирус не се пренесува преку кожата на рацете, па затоа не мора да носите ракавици. Вирусот може да го пренесете до лицето и со ракавиците, можеби дури и поопасно од рацете: „Сè уште не знаеме точно како се однесува вирусот на одредени подлоги, но можно е вирусот да се одржува подолго на латексот отколку на кожата“, предупредува д-р Рејнолдс.
Ракавиците можат да ви пружат лажна безбедност
„Луѓето се опуштаат кога имаат ракавици и влегуваат во зона на лажна безбедност“, вели д-р Рејнолдс. „Кога носат ракавици, поретко ги мијат рацете, што може да биде погубно. Покрај тоа, ракавиците обично не се фрлаат по едно носење, што може поефикасно да го шири вирусот. Ако носите ракавици, направете си услуга и фрлете ги по едно носење.
Малкумина знаат како правилно да ги извадат ракавиците
Со неправилно отстранување на ракавиците, може да го ширите вирусот на сите околни површини. „Отстранувањето на ракавиците не е тривијална задача; истражувањата покажаа дека дури 30 проценти од здравствените работници го прават тоа погрешно, а тоа се луѓе кои учеле како да го прават тоа, за разлика од граѓаните“, предупредува д-р Рејнолд.
Зошто тогаш здравствените работници носат ракавици?
Здравствените работници носат ракавици кратко време, за да извршат одредена задача. „Кога носите ракавици, ги носите за да го заштитите пациентот, не ги носите низ целата просторија и не допирате предмети. Откако ќе завршите со пациентот, ќе ги извадите ракавиците, ќе ги измиете рацете и ќе излезете од просторијата – така не им пренесувате ништо на другите пациенти“, објаснува Рејнолдс. Тоа нема никаква врска со купувањето, затоа купете се што ви треба во продавница, одете дома и добро измијте ги рацете, пренесува Men’s Health.
