Д-р Ранко Рајовиќ е специјалист по интерна медицина, невроендокринолог, автор на системот за учење NTC и еден од најценетите експерти во регионот кога станува збор за детскиот развој.
Во новото видео објавено на страницата на Инстаграм на NTC, д-р Рајовиќ објаснува зошто родителите не треба да прават сè за децата. Многу родители мислат дека вака му помагаат на своето дете, но ценетиот стручњак објаснува зошто тоа не е добро.
„Кога сте среќни? Кога се трудите, кога се борите. И затоа им порачувам на родителите: Не правете ги работите наместо вашите деца. Пуштете ги да прават сè што можат сами. Ако навистина не можат, помогнете им.
Затоа што кога ќе ја почувствуваат таа среќа, кога ќе научат нешто ново, така ја развиваат својата самодоверба, значи ако ние правиме се наместо детето, тоа нема да има самодоверба.
Многу родители мислат дека на овој начин му помагаат на своето дете, но тоа всушност не е добро
Истото треба да го совладаат и во градинка и во училиште. Ако им ја даваме лекцијата пасивно, таа не активира ништо во нивниот мозок, тоа е основниот принцип со кој работам, учењето мора да помине низ мисловен процес, да бараат решение како да си играат. Методите мора да изгледаат како да си играат, да им е забавно, да мислат дека си играат, а всушност учат“, вели д-р Рајовиќ.
