ПИШУВА:
Д-р Стефана Чакар-Коцевски,
специјалист по ортодонција
♦♦♦♦♦♦♦
Препораката на Aмериканската асоцијација на ортодонти (ААО) е првата посета на ортодонт да се направи при првото забележување на постоење на ортодонтска неправилност или околу 7. година на детето. Во овој период кај децата е присутна мешовита дентиција, односно присуство на трајни и млечни заби.
КОЈА Е ЦЕЛТА НА ПРВАТА ОРТОДОНТСКА ПОСЕТА?
- Да се утврди дали постои ортодонтска неправилност или има потенцијал да се развие;
- Дали има потреба од ортодонтски третман;
- Кои се можностите за ортодонтски третман;
- Кога би требало да започне ортодонтскиот третман;
- Колку долго би било времетраењето на третманот.
Овој текст служи родителите да добијат одговор на најчесто поставуваните прашања во врска со ортодонтскиот третман кај децата со цел навремено дијагностицирање и менаџмент на ортодонтските неправилности.
ШТО ПРЕТСТАВУВА ОРТОДОНТСКА НЕПРАВИЛНОСТ?
Ортодонтскиот третман и неговото започнување е индивидуално и зависи од видот на ортодонтската неправилност како и од возраста на детето
Ортодонтските неправилности најчесто се однесуваат на несоодветно подредување на забите во забните лакови или пак нарушен однос помеѓу горната и долната вилица. Како резултат, кај децата може да е присутна растреситост или збиеност на забите, истуреност на предните заби напред или преклопување на горните заби со долните заби, вкрстен загриз или пак несовпаѓање на средините помеѓу горниот и долниот забен низ.
ОД КАДЕ ДОАЃААТ ОРТОДОНТСКИТЕ НЕПРАВИЛНОСТИ?
Најголем дел се наследни. Одредени може да се развијат како резултат на долготрајно цуцање на прст, цуцла, дишење на уста, неправилно голтање, предвремен губиток на млечни заби или нивна касна смена, како и на чести заболувања на забите.
ДАЛИ МОЕТО ДЕТЕ ЌЕ ПОЧУСТВУВА НЕПРИЈАТНОСТ ПРИ ПРВАТА ПОСЕТА НА ОРТОДОНТ?
Не. За време на првата ортодонтска посета, но и во случај на ортодонтски третман вашето дете нема да почуствува никаква болка ниту непријатност. Децата на оваа возраст веќе се доволно спремни за соработка и лесно го прифаќаат контролниот преглед. Дополнително, присуство на родителот за време на контролата е овозможено.
Препораката на Aмериканската асоцијација на ортодонти (ААО) е првата посета на ортодонт да се направи при првото забележување на постоење на ортодонтска неправилност или околу 7. година на детето. Во овој период кај децата е присутна мешовита дентиција, односно присуство на трајни и млечни заби
Започнува со кратко земање на информации за медицинската и денталната историја на детето, клинички преглед што опфаќа преглед на забите и оралната празнина, како и екстраорален преглед. Се прават неколку фотографии, најпрво од профилот и анфасот на пациентот како и интраорални фотографии.
Најголем дел од ортодонтските неправилности се наследни. Одредени може да се развијат како резултат на долготрајно цуцање на прст, цуцла, дишење на уста, неправилно голтање, предвремен губиток на млечни заби или нивна касна смена
ДАЛИ РЕНДГЕНСКА СНИМКА ОД ЗАБИТЕ НА ДЕТЕТО Е ЗАДОЛЖИТЕЛНА?
Рендгенска снимка, најчесто тоа е панорамска или латерална снимка е значајна дијагностичка алатка во ортодонцијата и најчесто се прави при првата посета на отодонт, или пак може да се одложи до време поблиску до започнувањето на ортодонтскиот третман. Служи за прецизна дијагностика и преку неа може да се идентификуваат работи кои не се видливи при клиничкиот преглед.
Денешните, модерни рендтген апарати се сметаат за целосно безбедни при користење кај деца.
ШТО СЕ СЛУЧУВА ДОКОЛКУ ОРТОДОНТОТ ДИЈАГНОСТИЦИРА ОРТОДОНТСКА НЕПРАВИЛНОСТ КАЈ ДЕТЕТО?
Ортодонтскиот третман и неговото започнување е индивидуално и зависи од видот на ортодонтската неправилност како и од возраста на детето.
За одредени неправилности, препорачлива е рана интервенција и започнување на ортодонтски третман додека се присутни и млечни заби.
За други ортодонтски неправилности од поголем бенефит за детето би било започнување на ортодонтски третман кога сите трајни заби ќе се комплетираат.
Доколку ортодонтот пак се одлучи да го следи растот и развојот на периодични контроли, третманот може да се темпира да започне во идеално време со цел максимално да се искористат предвидливите предности на фазите на раст. За некои неправилности, најдобри резултати се постигнуваат додека лицето и вилиците имаат најинтензивен раст и развој, додека за други кога растот ќе заврши.
Ортодонтскиот третман, секако доколку е потребен, води до прекрасни, здрави насмевки и зголемена самодоверба. Ортодонтскиот третман не е индициран само кај деца. Бенефитите од ортодонтскиот третман можат да ги уживаат како деца така и возрасни.
