Бројот на смртни случаи и инфекции од пандемијата на COVID-19 што се шири низ целиот свет, укажува на тоа дека мажите имаат поголема веројатност од жените да заболат од оваа болест и да страдаат од тешки или критични компликации на истата
♦♦♦♦♦♦♦
Што велат истражувањата и експертите: Еве ги нивните сознанија
♦♦♦♦♦♦♦
- ДАЛИ СЕ МАЖИТЕ ПОПОДЛОЖНИ НА ИНФЕКЦИЈА СО НОВИОТ КОРОНАВИРУС?
Така изгледа, да.
Во Италија, анализата на повеќе од 127.700 случаи на КОВИД-19 откри дека 52,9% од сите заразени биле мажи и 47,1% жени. Меѓу првите 14.860 смртни случаи во Италија, скоро 68% биле мажи.
Студија на Кинескиот центар за контрола и превенција на болести утврди дека во базата на податоци со 44.672 потврдени случаи, кај мажите имало 1,1% повисока стапка на смртност во споредба со жените.
„Доказите се зголемуваат дека мажите имаат потешки симптоми и поголема смртност во однос на жените“, изјави Џејмс Гил, специјалист во „Warwick Medical School“.
- ДАЛИ ЗНАЕМЕ ЗОШТО Е ТОА ТАКА?
Сè уште има многу прашања околу тоа зошто мажите се почесто и потешко погодени од инфекцијата со COVID-19, но здравствените специјалисти упатуваат на бројни можни фактори.
* Нездрави навики, пушење и нивно влијание
Експертите велат дека едно влијание може да биде тоа што мажите, генерално, не внимаваат на нивните тела како и жените – со пониско ниво на миење раце и хигиена и повисоки нивоа на пушење, употреба на алкохол, дебелина и други нездрави навики.
Истражувањата покажуваат дека имунолошкиот одговор во текот на животот – на сè, од вакцини и инфекции до автоимуни заболувања – е обично поагресивен кај жените отколку кај мажите. Со COVID-19, респираторна болест предизвикана од коронавирус, ова може да биде особено сигнификантен фактор
Во многу земји, стапките на пушење се повисоки кај мажите отколку кај жените, а пушењето е познат фактор на ризик за многу други состојби кои може да го загрозат животот, како што се срцеви заболувања, висок крвен притисок, заболувања на белите дробови и карцином.
Поделбата според пол во однос на пушењето е особено забележана во Кина, каде што 50% од мажите пушат, во споредба со 5% од жените. Во Италија, анализата од 2018 година покажа дека пушењето е почесто кај мажите отколку жените кај сите возрасни групи.
* „Поагресивна“ имунолошка реакција на жените
Друг фактор е релативната јачина на машкиот и женскиот имунолошки одговор.
Истражувањата покажуваат дека имунолошкиот одговор во текот на животот – на сè, од вакцини и инфекции до автоимуни заболувања – е обично поагресивен кај жените отколку кај мажите. Со COVID-19, респираторна болест предизвикана од коронавирус, ова може да биде особено сигнификантен фактор.
Филип Гулдер, професор по имунологија на универзитетот Оксфорд, вели дека неколку фактори придонесуваат жените да имаат поагресивен имунолошки систем, вклучувајќи го и тоа дека жените имаат два Х-хромозоми споредено со еден кај мажите, и дека голем број на критични имунолошки гени се најдени на Х-хромозомот .
„Особено, протеинот со помош на кој се препознаваат вирусите како што е коронавирусот, е кодиран на Х-хромозомот“, рече Гулдер. Тоа значи дека овој протеин е изразен во двојна доза кај многу имуни клетки кај жените во споредба со мажите, што пак може да ја засили способноста на жените да го одбијат COVID-19.
(Извор: Ројтерс)
