Некогаш бебињата се капеле секоја вечер, оти некогаш се сметало дека така треба. Меѓутоа, ставовите и препораките се менуваат. Педијатрите денес ги советуваат родителите да не го капат детето секој ден.
На бебињата тоа и тоа како би им годело, оти купката претставува и вид на хидромасажа која исклучително ја сакаат. Но, бебето во текот на денот не се валка толку за да мора секојдневно да се капе. Стручњаците препорачуваат капење по потреба, односно кога бебето ќе се извалка.
Бебето не мора да го капете, доволно е со топла вода и со бебешки сапун да го измиете делот под пелените.
Во текот на првите 6 месеци, косата и извалканите делови под пелените мијте ги со бебешки сапун, додека за останатите делови доволна е млака вода. Купки, и тоа во многу мала количина се додаваат во водата за капење, дури откако бебето ќе наполни шест месеци, додека шампони за миење на косата се препорачуваат дури по првиот роденден.
