Анализа на 28 студии во кои учествувале повеќе од 21.000 деца покажала дека децата кои пијат полномасно млеко имаат 40 отсто помал ризик да развијат прекумерна телесна тежина или обезност од децата кои пијат млеко со помала содржина на млечни масти.
Овие резултати се во спротивност со постоечките насоки кои препорачуваат децата да пијат кравјо млеко со намален процент на масти наместо полномасно млеко кога ќе наполнат две години, за да се намали ризикот од обезност и придружни компликации.
Инаку, треба да се истакне дека мастите во млекото на децата им обезбедуваат калории и содржат важни витамини.
Оваа анализа покажала дека децата кои консумираат млеко со помал удел на млечните масти не се послаби од децата кои консумираат полномасно млеко.
Треба да се спомене дека детската обезност се повеќе претставува јавноздравствен проблем. Инаку, прекумерната телесна тежина е поврзана со различни здравствени состојби, вклучувајќи хипертензија, срцев удар, дијабетес, мозочен удар и некои видови на рак.
Извор: The American Journal of Clinical Nutrition
